جريدة الأهرام الجديد الكندية 
مقالات مشابهة
12 حاجة امك مخبياها عنك:
1- أمك عيطت بسببك كتير بس انت ماشفتهاش ولامرة وكنت فاكر ساعتها ان محدش حاسس بيك
2- أمك كان نفسها ف الحتة اللي ادتهالك من التورتة واخر سندوتش فاضل بس سابتهولك وهي فرحانة
3- أمك عارفة انك بتتكسف منها قدام اصحابك وبتتضايق…واتكسفت لما بهزار كدا اتريقت عليها وانتوا بتتكلموا بس ضحكت و اتريقت معاك عادي عشان بس انت تفضل تضحك
4- أمك كائن ضعيف..رغم كل القوة اللي هي فيها عشانك بس بتخاف وبتقلق وبتتعب كتير اوي..
5- أمك عارفة انك بتحب حبيبتك اكتر منها…ولسة بتحبك برضو اكتر من حبيبتك
6- أمك راقبتك كتير و بصت عليك وانت نايم…بحق وحقيقي مش مشهد ف فيلم
7- أمك شالتك…اكتر من ال9 شهور اللي كله بيغني بيهم دول
8- أمك قلبها اتكسر بجد لما شافتك بتعيط وموجوع..بس ضحكت قدامك عشان تضحكك
9- أمك اتخبطت واتعورت واتلسعت كذا مرة وهي بتطبخ
بس مابينتلكش وكان عندها الاهم تعرف الاكل عجبك ولا لأ
10- 90% من احترام قرايبك واعجابهم بيك بسبب المدح اللي امك بتقوله فيك قدامهم..من وراك
11- أمك بتحبك اكتر من اي حد ف الدنيا…يمكن اكتر من ابوك
12- أمك مستعدية تعمل اللي فوق دا كله 100 مرة و برضو تفضل مخبياه عليك..
امك مش مستنية مقابل قدام كل الحاجات دي…ولا عايزة تمسك مايك وتقول شوفوا يا ناس انا بعمل ايه…
دا يمكن لو شافت البوست دا تضايق ان حبها دا اتكشف كدا
اصلها بتحبك عشان بتحبك….مش عشان مستنية منك حاجة
لا بوست ولا لايك ولا هدية ولا proposal
و هو دا سر عظمتها و عظمة حبها
#الام_اختراع
#بوست_مش_في_عيد_الام
#الجنة_لازم_تبقي_تحت_رجليكي
بقلم / فريد جمال
