جريدة الأهرام الجديد الكندية 
مقالات مشابهة
كــتب / هــاني شـــهدي
لما بنفتكر قصة يونان والحوت كل سنة، للاسف غالبا بنفكر في القصة بنفس الطريقة ،والاسوء بننظر له نفس النظرة فبنخرج بنفس التقـييم انه جــبان وخــواف وهارب من وجه الله،وطنش اهل نينوي وسابهم يهلكوا، وكان هيتسبب في غرق السفينة ..
كمصريين مسيحيين غالبا بنزيط نفس الزيطة علي يونان ومش بنشوف فيه اي حاجة حلوة عملها.نفس المشهد بيفكرني بمسرحية عادل امام “شاهد ماشفش حاجة” الكمساري قالي تذاكر ..قلتله بوليس، بقا اللي رايح يضرب واللي جاي يضــرب.
لو قارنا قصة يونان الاصلية وهي حوالي 800 سنة قبل ميلاد المسيح بايامنا الآن 2016 سنة بعد ميلاد المسيح، واستبدلنا يونان زمان بيا انا وانت، واهل العراق زمان باهل العراق الان وما يجري بها من احداث سياسية وسيطرة جماعات داعش عليها..
مــين فينا انا او انت عنده استعداد يروح ينفذ الامر الالهي ويبشر داعش لان شرهم بالفعل صعد امام الله، كتير مننا هيعمل زي يونان بدل مايتجه يمين لنينوي هيروح شمال تلقائيا لترشيش
بــلاش داعش نخففها شــويه..حــد بلطـجي 💪💪وفالت والشر بينط من عينيه وودانه…برضو صعبة.
بــلاش بلطجي..حد يكون فعلا شـرير وشره واضح👈👈 ومحتاج يرجع عن شره ومطلوب منك تحذيره..لسه صعبة؟
طيب خليها انا وانت ☝👆👆نحذر نفسنا عما نرتكبه من شرور وخطايا..للاسف كتير بنطنش علي نفسنا ونتجه من ربنا شمال…طيب ليه بعد دا كلـنا نازلين سلخ وشوي في يونان…ونطلع انا وانت الابطــال.
فهمنا ان مهمــة يونان كانت بالمهمة الصعــبة.
بطــن الحـــوت 🚢⛵🚣🐬.ليه دايما بنعتبره عقاب الله ليونان، هو في الواقع تدريب من الله ليونان للرجوع لانجاز مهمته الاصلية، الانسان اللي يشوف الموت بعنيه ويترمي في البحر، ويشوف 3 ايام ســــواد كدا ،مش عارف هو عايش ولا ميت، مستحيل يرجع تاني يخاف من الموت..
زي كدا فترة الجيش 💂💂اول اربعين يوم مركز التدريب بتكون أصعب فترة ، بيتعمدوا فيها تدريب علي استخدام السلاح وجو الحرب واخضاعه لاسوأ الظروف،بيخرج مختلــف وادواته مختلــفة.
اروع ما في القصــة 🎉🎇🎆 ،بعد ما كلنا بنكون تعبنا من الزيــطة والفــرح انفض ومــشينا، ان يونان هــو هــو نفسه اللي نفذ المهمة المستحيلة بــبراعة ،وبشر اهل نينوى، بل وخلي المـلك والشـعب والرجـال والـنساء والاطـفال والـبهائم يصوموا ويلبسوا المسوح ،احنا ليه بننسي نصــقفله صقفة كبــيرة ..👏👏👍، بل انجازه المهمة ببراعة بيخلي الكتاب يذكر تعبير فـــريد من نوعه خلي ” الله ينـــدم علي الشر الذي كان فاعله؟ ..يونان اللي بنقول عليه جبان خلي الله …ينــدم.
هــا يلا..مــين فــينا هيروح للبلطــجي ؟! 👅
