جريدة الأهرام الجديد الكندية 
مقالات مشابهة
الأهرام الكندى
وصل لنا رساله تحذير من أحد المغتربين بالمملكة العربية السعودية يوضح فيها ما تعرض له ويحذر فيها الوافدين والسعوديين بالمملكة من الوقوع فى نفس الأمر
واليكم مضمون الرساله كما وردت بدون التدخل منا حتى يصل مضمونها كاملاً لجميع الوافدين والسعوديين بالمملكة
واليكم التفاصيل
حصل معي موقف غريب جدا ما احد يتوقعه.
كنت أسير في شارع سلام ما بين حديقة سلام والمحكمة الجزائية حوالي الساعة 2 الظهر بالرياض ووقفت امام بوابة الحديقة لعمل اتصال.
بعد ما انهيت المكالمة كان فيه شخص يؤشر لي بيده كانه ينبهني عن شيء في مقدمة السيارة ، نزلت الزجاج الأيمن لاعرف أيه بيقول.
من شكله تعرف انه سعودي حنطي البشرة..
تكلم بكلام غير مفهوم بعدين قال انا اطلب منك المساعدة سيارتي متعطلة وابي منك تعطيني 180 ريال وفك الباب وركب ،قلت له طيب انزل اولا اذا سمحت وبعدين قول اللي تبغيه.
كان جوالي على التكاية وهو نازل اخذ الجوال في يده … قلت ولد ولد..
قال لو انطلق الحين والله ما تلحقني بس إعطني فلوس واترك لك الجوال.
كذا عينك عينك ٍ جهارا نهارا.
قمت اخذه بالمسايسة قلت اعطيك فلوس بس هات الجوال.
وطلعت المحفظه بيدي كله ما ابيه يأخذ الجوال. قال إعطني 150 ريال وطلعت ال 150
فتح الباب واعطاني الجوال. واخذ ال 150 اخذت الجوال وحطيته تحتي بعدين مسك بالمحفظة بياخذها.
تجودت بالمحفظة وتعاركت معه قام يعض في يدي .
كان فيه جراءة لدرجة اني كنت معلق على البوري يقول لي والله لو مدري وش تسوي ما يمك احد.
اخيرا قدرت افتك المحفظه منه وهو هرب.
اتصلت على الشرطه وجوني بعد نص ساعة وقالوا سوينا تعميم.
يقولون لي احمد ربك غيرك اعتدوا عليه بساطور. ذولي اكيد مدمني مخدرات.
الزبده لا احد يأمن اي احد
الله المستعان معاد فيه أمان. من طلبك توقف لا تطاوعه ولا تساعده امان مافيه
