بقلم :نشــأت عــدلي
بابا نويل .. يالي دايما بتسعد كل الناس … ليه نسيت حبايبك وجبت معاك بدل الهدايا رصاص .. كلنا كنا بنستناك .. صدقني بفارغ الصبر بنستناك .. مكنتش عارف ان لونك المره دي بلون الدم وحزايني .. طول عمرنا بنفرح بيك لأن الفرح دايما كان معاك .. وجرابك كان مليان أفراح .. بس مكنتش أعرف إنك ناوى تجيب الحزن وياك .. مكنتش عامل حساب الدموع .. لكن ..نزلت الدموع .. دموع كتيرة كتيرة نزلت من عيني السنة دى .. دموع علي العراق .. ودموع علي سوريا ولبنان .. دموع علي كل إنسان .. بقيت شايل الدموع جوه جرابك … واحنا معاك نسينا الدموع من زمان … داانت اللى دايما فى جرابك الفرحة .. مكنتش عارف أن مخلتك المرة دي مليانة رصاص وقنابل .. قتلّ الحابل والنابل .. كانت مليانه بالحلويات والبونبوالحر ..
.. بونبوك بقى مر ومليان قساوة .. خلت رغيفنا بقي طعمه مر .. وحتى منديلك نسيته علشان تنشف بيه دموعنا .. خليت الدموع نزلت دم يابابا .. حتى الكلمة الطيبة ماسمعتهاش منك .. بابا نويل يابابا نويل .. بالاش تيجي بالحزن تاني .. بقيت بخاف منك زى مانا خايف علي كل اللي راحوا .. اتربي الخوف جوة قلوب لسة خضرا .. وطلع الأمان منا .. وسافر بعيد .. شوفوة يمكن يكون سافر برة .. ومش ممكن يكون جوه .. بابا نويل يابابا نويل … تعبنا قلق وخوف ورهبة … صدقني تعبنا … كل اللي جوانا تعب .. من فضلك يابابا نويل تعال المرة دي وهات معاك الأمان … حط في جرابك سلام … انت بتحب السلام .. وهات الهدايا … وجوه كل هدية قلب .. قلب بيحب يإخلاص .. يحب الخير لكل الناس .. وبلاش تجيب تاني الرصاص .
الوسومنشأت عدلى
شاهد أيضاً
الدكتور عماد فيكتور سوريال يتحدث من خلال الجزء الثالث للأحوال الشخصية عن المرأة
23 رِيحُ الشِّمَالِ تَطْرُدُ الْمَطَرَ، وَالْوَجْهُ الْمُعْبِسُ يَطْرُدُ لِسَانًا ثَالِبًا. 24 اَلسُّكْنَى فِي زَاوِيَةِ السَّطْحِ، …