جريدة الأهرام الجديد الكندية 
مقالات مشابهة
السيسي
إللي وقع مرسي عبد الله بدر وهاتولي راجل وخميس فخلي بالك من أحمد موسي و مصطفي بكري والمطبلاتية لا يكونوا السبب في وقوعك.
وزير الداخلية
القبض علي صلاح دياب فكرنا بزوار الفجر، بصراحة معالجات امنية فاشلة ومافيش فايدة فيكم.
المخابرات البريطانية
بعد ساعات عرفتوا سبب سقوط الطائرة الروسية سبحان الله بقالكم 18 سنة مش قادرين تعرفوا سبب حادثة سيارة الأميرة ديانا.
ملك السعودية
تخليت عن مصر وكشفت ضهرنا بس خلي بالك أنت وجيشك بتتروقوا في اليمن، أحنا ممكن من غيركم نتعب أه بس انتم من غيرنا ممكن مملكتكم تفني.
وزير الهجرة الكندي
وحياتك لما تجيب 25 الف لاجئ سوري قلل نسبة الدواعش ، الكنديين طيبين من أول قنبلة نصهم هيجري علي أمريكا والنص التاني هينط في المحيط.
جاستن ترودو
رقصت بالجلابية الباكستاني وقولنا ماشي لكن تعجن مع حريم باكستان بالطرحة الباكستاني أسترجل بقي ياض فيه صعايدة كنديين مش عجباهم الميوعة ولا الحال المايل.
نافديب بيانز
معاك ماجستير بقيت وزير “العلم” طيب محسوبك بكالوريس خدمة إجتماعية وليسانس حقوق ودبلومتين ممكن أنفع رئيس وزارة بس مش عايز غير وكيل وزارة ويعوض عليه ربنا في الباقي.
حزب الليبرال
الإخوان علي إياديكم دخلوا البرلمان الدواعش يقولوا إحنا عايزين السنت فقط… بصراحة ناس عداهم العيب وقزح.
التلفزيون المصري
بتقولوا اوقفتم عزة الحناوي لخروجها عن السكربت يا بلد كتالوجها واقع إزاي ما يقعشي سكربتها؟؟
أمن مطار شرم الشيخ
عايز أعرف العبوة دخلت بعشرين إسترليني ولا عشرين دولار امريكي… لو عشرين أهيف مصري هزعل قوي.
الديلي ميل
حكاية الطيار اللي إتفادي صاروخ في شرم الشيخ خلتني أقول يا خرابي أبو لمعة المصري صحي من قبره أمتي وراح لندن أمتي؟
السفارة المصرية في كندا
عدم ردكم علي الصحف الكندية في موضوع الطائرة الروسية دليل علي حاجتين إما مافيش عندكم ضمير أو عندكم ضمير لكن إخواني.
سامح عاشور
مبروك والحمد لله فوزك بنقابة المحاميين هو إحنا خلصنا الرئاسة من مرسي عايز يجيلنا منتصر الزيات نقيب للمحامين ولا إيه؟.
وزير التخطيط المصري
بتقول أن الشعب المصري سيكون من أسعد شعوب العالم عام 2030 طيب يا أخويا سد حنك الجعانيين في 2016 الأول.
