جريدة الأهرام الجديد الكندية 
مقالات مشابهة
بقلم .. ياسر العطيفى
في أسبوع واحد فقط!!! يا مواطنين
1-تطلع علينا وزيرة التضامن غادة والي وتقول(الجنة هيكون فيها مزيكا وبالية)!!!مش عارف جابت الكلام ده من أنهى كتاب دين او تفسير!!!
2-رئيس هيئة مترو الأنفاق تعقيبا على حادثة المترو(المترو إتزحلق على القضيب)ده لو بيتفرج على فيلم جنسي مش هيقول الألفاظ دي!!!
3-إدارة مدرسة في الأقصر معلقة يافطة إنها هتقرا عده ياسين على أولياء الأمور اللى بيقدموا شكاوى فيهم وفى المدرسين وهتقراها يوم الخميس!!مش عارف ليه الخميس بالتحديد مش الجمعه!!يمكن مخصصين الخميس اللى بعدها لكشف الرأس واللى بعده لفرش الملاية!!يعنى مستوى تعليمي مطمئن لأولادكم بالصلاة على النبي!!!
4-حمار يخترق صالة فى مطار القاهرة الدولي والأمن يعلق(الحمار)إستغل ثغرة أمنية وأخترق منها!!يعنى الحمار مطلعش حمار فى الحقيقة لأن ذكائة يؤهلة لتبادل الأدوار فى الحالة دى بالتحديد!!
5-تطلع علينا الطاهرة العفيفة الخفيفة الظريفة إيناس الدغيدي بفتوى(إن ممارسة الجنس بدون زواج حلال)!!! وساقت من الأدلة اللى طبعا مش شرعية ما تؤكد به فكرتها (النبيلة اللى هي مش نبيلة خالص ولا حتى تقربلها )(إن ممارسة الجنس بعد سن معينة “اختيار شخصي”، وممارسته بالزواج أو بدون زواج أمر عادي وحلال، على الرغم من أن هناك البعض يحرمه بدون زواج ولا يستطيع أن تستوعب أنه حلال… )!!! يعنى الموضوع كله طلع إستيعاب وإحنا طبعاً مش مستوعبين وهى اللى مستوعبة دايماً!!!!
بصراحة كتير أوى علينا ده كمواطنين في أسبوع واحد!!يعنى من الأخر لو لقيتوا المواطن المصري طالعلكم فوق الجبل بالشكل ده……. يبقى ده أقل حاجة ممكن يعملها!!!!
