جريدة الأهرام الجديد الكندية 
مقالات مشابهة
بقلم الشاعر .. ناجى أنس
هو انتي مش حاسة بقيمتك ؟
وبعظمتك وبكيانك وبمكانتك
وبمكانك و بأمانك
وبحنانك وبتسامحك
وبسلامك وبغلاوتك وبكرامتك ؟
شفتي يا أم الأمم والمحبة والكرم
انتي كل حاجه فيكي بتقول حكم
أعظم هرم حب نيلك ويا ليلك
وسلسبيلك واللي يجيلك من فرحته
علي وشه بسمه بتترسم
حتي طينك يا حبيبه محترم
أرض طاهره صابره قاهره
انتي مش محتاجه حاجه
لا إنتي محتاجه أي شئ
ولا أي حاجه في أي جاجه
انتي علم لا إنتي محتاجه دعايه ولا صوره
إنتي آيه جوه سوره
في قلب دينك نور منور ويا كوثر
فاتحه إيدك قاريه فاتحه
انتي مدنه فيها تعلي الله أكبر
صوت يكبر
انتي بحري وحاضنه قبلي
ضامه سينا
انتي مريم انتي فاطمه
إنتي مينا ونقشبندي
انتي شماس ابن ناس
انتي الأساس النهاردا ويابكره
ولاانتي لازمك أي شهره
انتي لمة ناس مش عاديه
م اللي هي غاليه أيوه غاليه
مش رخيصه
شمعه جامعه للأحبه
في الكنيسه انجليله أرمنيه مرفصيه
انتي ترنيمه جديده او قديمه يا كريمه
فيكي علم عجيب غريب
كان دليل رسمه محبوبك نجيب
إنتي جبتي يا حبيبتي إبن نيل عالم زويل
انتي يعقوب مجد قلب كبير بيدي
بيده هو مش بيدى
انتي للأفراح تقاوي
انتي شعراوي وقناوي
انتي للي غاوي يعرف تاريخ في أحلي صوره
انتي بدله وجلابيه
لابسه قفطان او كوفيه
انتي هي
انتي طبعا كل شئ
انتي مش حبه يادوب
انتى حبه عاشقه نبضات القلوب
يا أم حلوه بلمتك
لو حتي زحمه وانتي فاهمه
لو فيكي دوشه
انتي بولادك كبيره وطفله روشه
انتي سكنانا في بيوت رقه كيوت
انتي وشك احلي فيس غالي نفيس
فيه حاجات م الجديده
اللي بتخليني شاطر بجد قادر
مش مناظر ولا حركات
انتى ضمانا بحاجات
فيكى لابتوبات وشات
إنت سكر في كل الأركان متنتور
بالتقيكي في أي سيبر
جبتي أي بعيد أكيد قرب أكتر
انتي جنه فيها فرض وفيها سنه
فيها صفحات كان وكنا
حاجه لايقه خلتيني فيكي دبت
ومهما قلت ومهما عدت أي كومنت
ووصفت لوحاشيلك فوق كتافي
مش حيكفي مانتي شايله خير وكافي
يا للي فيكي ضحكه ترسمها سنابل
حبه واحده تبقي تسعين مليون
حبه وحبه ع الحب شاهده
بس تربه لأي غازي عدو رمه
مالهش مله عله جاهله ماله لازمه
انتي بطيبتك وبطبيعتك
شئ مشرف شوفي فيكي كام الف متحف
فيه اثارك اللي باينه وفي نهارك شمس سخنه بس دافيه و سقعتك جي منها برد صحه
ايه يعني كام عطسه وكحه
حاجه بتخليني أصحي أعمل في خير
أحس حتي بالمريض والفقير
إللي مش لاقي له عشوه
يبات بعشوه لقمه ناشفه حاف جفاف
حس رعشه بس قلبه دفي نفسه
كإن فوقه كام لحاف حلمه حتي انه يتصور في منظر جنب رومي
باقي م اللي خطفوا نهبوا
بس سابوا بواقي باقيه للزباله
ودولا عاله اقل بكتير من حثاله
بس أنا ياستي راضي
طول ما بلدي باقيه قصادي
ومش حيقدر أي واطي
يجيبني ويخليني اطاطي مش حطاطي الا ليكي
إنتي لينا قلب طيب جي بحنانك يطبطب
بس مرعب للي خان ولأي مذنب
قلب أبيض صعب مر
يا أغلي فينا من أي عمر
ورغم انه غم هم وطعم مر
امر من مرار و صبر
انتي برضه أحلي مصر٠
