جريدة الأهرام الجديد الكندية 
مقالات مشابهة
بقلم.. محمد عربى عابدين
يومية 16
الفرحة الوحيدة في ماتش مصر في الغربة. لمتنا الحلوة …
يلا نكمل لمتنا
يومية 17
طبعا النهاردة الخميس . وكله فرحان علشان نهاية الاسبوع … حقك …..
بس أحب افكرك ان معاك واجب …..
وراك غسيل يا زعيم
يومية 18
لما تسأل ابنك . لما تكبر تحب تبقي ايه ؟
يرد عليك : سعودي
يومية 19
بعد شهر من الاجازة ….
حالك
رجع بخفي حنين
يومية 20
لما يكون يوم الأجازة … ومتواعدين انت واصحابك للخروج والفسحة ..
عاصفة ترابية . والجو ملبش ..
لسان حالك
موعووووووود بالفسحة يا حبيبي موعووود ..
يومية 21
مع هطول الامطار الغزيرة علي جدة
ومنظر الناس والاطفال .
افتكرت البلد .
الاطفال ..تخوض . تبلبط . تغني … مطري يا مطرة قوص .
خلي القمح بعشرة قروش …. يا مطرة رخي رخي علي قرعة بنت اختي
يومية 22
زميلك لما يكون شغال عصفورة لصاحب العمل .. بصبوص يعني
لسان حالك
ليه كدا يا هنادي
عشقت الكفيل يا هنادي
يومية 23
المغترب عبارة عن آلة .. تعمل ..
ولا وقت للمشاعر
يومية 24
بيقولوا للسفر ٧ فوايد
ومن بداية السفر أدور علي نص فايدة مش لاقي ….
دانتوا كدابين كدب
يومية 25
بعد حوار مع احد الاشخاص ( معرفهوش ) . بعدها بيسأني : انت سعودي
قلت له لا انا مصري
قالي لا سعودي ولهجتك سعودي
انا : يا عم انا مصري .. صعيدي . ودي لهجتنا . وخد شوف اقامتي …
هو : لا انت سعودي …
اخر ما زهقت . يا عم انا مصري لابس سعودي .. ( مع اني لابس قميص وبنطلون )
هو : ايوة كدا من الاول عارفك انك سعودي ….
لسان حالي
الطف بنا يا رب
يومية 26
معي صديقي وزميل عمل اسمه وليد سوداني
كلامه سريع جدا .. لا اعرف كلامه الا في الاعادة …
ولما يكون مفيش وقت للاعادة انتظرها في حلقة الاعادة الساعة السادسة …. في السكن …..
( علي فكرة انا مستأذن منه )
يومية 27
صديقي المهندس محمد جمال بيكلمني في الحسابات …
قولت له : تعرف ايه عن الريال
قالي : بيلعب في الدوري الاسباني
قولت له : خلاص خليك في المتر والتصاميم والرسومات بتاعتك … وخليني انا في الجنيه والريال .
اجمل شيء كل شخص يعمل في تخصصه
يومية 28
صديق في مصر بيسألني ايهما افضل مصر ام السعودية .
جاوبت : السعودية الارض المقدسة .
ومستوي التعليم متطور عن مصر . وارتفاع في مستوي المعيشة و …… ؛
ولكن في النهاية تبقي مصر هي مصر ام الدنيا
تحيا مصر
يومية 29
النهار ده الجمعة . وبعد الاذان الأول .. افتكرت تواشيح عم ابوالاسكندراني في الجامع الكبير بالخطارة .. من الساعة ١٠ الصبح حتي الأذان الأول .. قمة المتعة . قمة الروحانيات
يومية 30
طبعا معرفة الرجال كنوز
لكن فيه ناس معرفتها نكسة .
علشان هم مش رجالة
