جريدة الأهرام الجديد الكندية مقالات مشابهة
بأسم الحــــب
*************
يوماتى الحِــــلم على بـــاللى ** ويهنالى أعيشُه معـــاك
يوماتى الـــــروح تبكينى ** وكيف ياغـــالى يوم أنساك
أناجى الذكرى وأتألم ** بخاطرى وأجمع الأشــواك
وبعتـب ع الحياه وأندم ** على عمرى اللى ضاع فى هواك
*********
أسافر بالخيال وأرجـــع ** وبحسد نفسى وأنـا ويــــاك
رسمتك فى الخيال صوره ** وحيرنى فى أمرى لُقـــاك
صحيح إن الخيال أجمل ** وإيـه على حلمى يوم قســاك
سنين فى القلب سَكِنتــك ** وقولى أزى أنــا هنـساك
**********
بإسم الحب بكيـــــتنى ** ومن أحـــــلامى صحتـــنـى
و أول كلمــــــه تنطقها ** حروفها القاسيـــه قتــــلتـنى
ماليش ماضى وماليش حاضر ** بأشواقى اللى خانـتنــى
يوماتى بقابل الذكرى ** عشان عمرك ماحبتنــــى
***********
كلمات وأشعار ماري تامر
