جريدة الأهرام الجديد الكندية 
مقالات مشابهة
الأحباب بتوع فتاوي كل سنة والتحذير الظريف من تهنئة المسيحين في الكريسماس وحرام ويجوز وإياك يا أختي والعقيدة .. عموما ربنا ما يقطع لكم عادة عبيطة
نمبر وان ..ورغم أنه مش فارق معانا خالص لكن هو يابا الفتوى مش بتطلع مره واحدة
تفصل في أمر معين وخلاص ..إيه بقا لازمته تهبوا كل سنة وتجددوا فتاويكم المسخرة
والناس الغلابة اللي بتسأل نفس السؤال كل سنة وعاوزين رأي المشايخ ..هو أنتو مش سألتوا السنين
اللي فاتت ..وقالولكم لا ..خلاص عاوزين إيه تاني..ولا عايشين كل سنة على أمل يغيروا رأيهم
وتشاركوا وتفرحوا زي الناس الطبيعية ..بس للأسف مش ها يحصل ..وأنتو بقا وعقلكم
نمبر تو ..والنبي يابا تتلهي ..دا احبابك بيهاجروا بلاد برا يحتفلوا بعيد الشكر والديك ع السفرة أد كدهو
وبيحتفلوا لابسين بيجامات الكريسماس الجديدة ووراهم شجرة تسد عين الشمس ..
نمبر ثري.. مانت متابع أخبار الاحتفالات بالعالم كله أهو..أومال وخداك الحمئة وعاملي فيها ما بتقومش
من علي المصلية ليه..عيني فيه وأقول عليه اخيه ..
نمبر فور ..عقيدة ايه اللي خا يف عليها يا ابن اللذيذة ..هو جرس الميلاد بتاع ترن ترن
هايهز عقيدتك ..عموما أنت أدرى برضه ..
نمبر فايف..ياريت يابا يعملوا برأيك وبلاش تتزاحموا في المولات والمحلات في شرا الزينات
والانوار المصيبة محدش بيسمعلك
يا مولانا الحاج دا انت عندك فرقة بنات محجبات عسل وقمرات عاملين ترانيم الميلاد زي الفل
والنبي تتلهي وبلاش عبط خلي الناس تفرح ..ميري كريسماس يا مولانا ..
