جريدة الأهرام الجديد الكندية 
مقالات مشابهة
الغربة واعره على الشباب
وقروشها .. ما تحلى المرار
لا فيها عم .. ولا فيها خال
والحلم شيىء .. صعب المنال
فيها القريب .. زى الغريب
والعدو قدامك .. حبيب
فيها اللى عامل نفسه سيد وبقرشه طايح فى العبيد
فيها البرىء أبو قلب زين
وفيها لاشرس م الدياب
فيها اللى صار زينة الشباب
وفيها مليون حد خاب
فى الغربة راح .. تنسى المنام وتسد فواتير المدام
مطرح ماتمشى .. يا بوى .. تنام وف لحظة تعمل قال شديد
فى الغربة مابتعرفش عيد
لا فيه عيدية .. و لا فيه عجين !!
ولا صواني .. أم أسماعيل
ولا حتى فيه صوت للجيران !!
لا فيها صوت عبد الحليم
ولا فيها حس البايعين
والكل واخد ع السكات
الكل واخد .. ع السكات
كلمات : مـــارى تـٰـــامر
