رامي كامل
من يومين ظهر فيديو من كنيسة فى عزبة النخل لشخص بيتم نقله على كرسى متحرك و فجأة الشخص ده قام و قعد يجرى فى الكنيسة و سط تهليل الناس و قالوا معجزة.ده وصف الفيديو زى ما حصل ، و بعدها تواصلت مع ناس كتير من جيرانه تأكدت ان الراجل بيعانى من حالة مرضية بتمنعه من الحركة من حوالى ٧ سنين.
المعجزة هى حدوث امر ملهوش تفسير منطقى و لا علمى و يتناقض مع ما يجب حدوثه.من المنطقى فى المعجزة هو وجود سبب لحدوث المعجزة زى مثلا انسان مريض و يائس أو شخص فى ضيقة ملهاش مخرج أو ما شابه من ظروف قطعية الثبوت و الدلالة ان فك المعضلة “معجز للبشر”يعنى لو المعجزة دى لها حل بشرى تبقى مش معجزة
على صفحتى صديق رجل اعمال عانى من مرحلة متقدمة من السرطان فى المخ من سنين طويلة و ربنا اتمجد معاه و كل ما اشوف صورته فى القدس “هو بيحب القدس جدا” اقول ده شخص ميت من سنين لكن للمسيح ارادة اخرى.عم عادل محور حديث الساعة هو شخص بسيط مجاش من الفضاء الخارجى و عايش وسط الناس مسيحيين و مسلمين و سهل جدا لو هو بيمثل حد يطلعله صورة او فيديو فى اى مناسبة وهو بيتحرك
ولو الكنيسة هتعمل مسرحية “فرض جدلى” مش هتعملها فى عزبة النخل اللى فيها حوالى مليون ساكن و نسبة التعرف على حقيقة الشخص عالية جدا ، لو مسرحية هتتعمل فى وسط كنسى محكوم مينفعش يتسرب بيانات الشخص للخارج لكن عم عادل ده شخص عايش حياته عادى جدا.من المنطقى ان التشكيك يتم فى اى معجزة لان فكرة المعجزة اساسا شئ فردى جدا ، يعنى ليه عم عادل فايز مش الراجل اللى جنبه ؟
مشلول يمشي داخل كنيسة العذراء والبابا كيرلس فى عزبة النخل مشلول يمشي داخل كنيسة العذراء والبابا كيرلس فى عزبة النخل مشلول يمشي داخل كنيسة العذراء والبابا كيرلس فى عزبة النخل مشلول يمشي داخل كنيسة العذراء والبابا كيرلس فى عزبة النخل
ليه مش البابا تواضروس الثاني ما هو كمان بيعانى من الالم الضهر ، ده لان المعجزة تجربة فردية تماما قائمة على ايمان الشخص و علاقته بالله ، هل ده معناه ان عم عادل اكثر ايمان من البابا ؟ لا طبعا و الدليل ان نقل جبل المقطم تم على ايد سمعان الخراز رغم وجود بطريرك عظيم وقتها لكن الله بيختار ضعفاء الناس ليخرس الأقوياء .
بين المنطق و اللامنطق فى المعجزة مساحة واسعة جدا من النقاش فيها ناس مع و ناس ضد و فيها عم عادل فايز فرحان بالنعمة “و انا فرحان معاه و مصدقه” و كلمته النهاردة قالى يا رامى لو عملت ايه برضه هيشككوا و لسه بحاول اقنعه نطلع باقى الاشاعات المهمة جدا و ربنا يدبر و يكمل.