جريدة الأهرام الجديد الكندية 
مقالات مشابهة
علقت شيرين المنزلاوي، والدة الفنانة هنا الزاهد، على واقعة التحرش التي تعرضت لها ابنتها الصغرى البلوجر نور الزاهد في أحدى المراكز التجارية، مشيرة إلى أن المتحرش قبض عليه فورًا من قوات الشرطة .
وقالت شيرين المنزلاوي : «سعيدة جدًا أن الشرطة المصرية بتتحرك بسرعة في مثل هذه الواقعات لأجل حماية بناتنا، فالموضوع زاد جدًا، وحاليًا البنت بتمشي في الشارع خايفة على نفسها جدًا، من حق كل بنت تمشي كويس وتكون مبسوطة من نفسها، زيهم زي الولاد، ومحدش يبص لها لأن في نظرة بتعريها».
وأضافت : «لو تغاضينا، على كثير من الأشياء هيحصل نفس اللي حصل في دبح وقتل نيرة أشرف، أمام الكلية، وأنا بقول لكل بنت لو تعرضتي للتحرش يجب أن تتجهي للقانون على الفور».
وتابعت : «أحنا بلد صح فيها القوانين رادعة جدًا، لكن المهم في تطبيق القانون فيجب ألا نتساهل في تطبيقه، علشان ميحصلش فاجعة زي اللي حصل مع نيرة».
كانت الفنانة فرح الزاهد كشفت عن تعرض شقيقتها الصغري للتحرش، خلال تواجدها في أحد المراكز التجارية، إذ نشرت صورة للمتحرش عبر خاصية «الاستوري» بحسابها الرسمي بموقع الصور والفيديو «إنستجرام»، وعلقت على الصورة قائلة : «طيب دلوقت الراجل ده متحرش واقف في المول عمال يتحرش بالبنات وحاجة في منتهى قلة الأدب، مرحمش حتى أختي الصغيرة من المعاكسات والكلام الزبالة، وعمال يغمزلها وحاجة تخدش حياء أي بنت».
وأضافت: «وهي واقفة عند البنك هي ووالدتي، فزعقوا فيه، يروح مبجح فيهم ويقل أدبه، ويقول: “أنا معملتش حاجة، ومجتش جمبها، والناس حواليه عادي جدا، مفيش راجل واحد بس عايز يتكلم”، طلبنا النجدة، ويا رب يكون في استجابة سريعة؛ عشان نقضي على الأشكال الزبالة دي».
