جريدة الأهرام الجديد الكندية 
مقالات مشابهة
علق الكاتب المعروف محفوظ مكسيموس على وقائع اختفاء المسيحيات سواء الفتيات أو السيدات المتزوجات بوضع رشوة مكونة من عدة بنود لوقف هذا الأمر أول هذه البنود هو بند الأسرة
الدور الأسري
عزيزي الأب دور حضرتك مش قاصر أبدا علي الشغل و لقمة العيش و الفلوس دور حضرتك الرئيسي (رعاية) الأسرة و اهتمامك بزوجتك هو أول مشوار الرعاية، اهتمامك يعني وجود حوار حي حقيقي مستمر و اهتمامك بمشاعرها و إحتياجاتها النفسية واللي بتشمل الجنس ، والكلمة الحلوة ، والإعتذار ، والنقاش ، والإختلاف
والإتفاق و الشد والجذب ، والخصام ، والصلح ، و الفسحة ، والفرحة و الحزن و ….
كثير من التعايش بس أوعي شغلك و التزاماتك يبقوا أولوياتك علي حساب مراتك و أولادك.
دورك كأب للأولاد معناه الأمان ،والثقة ، والقدوة ، والصداقة ، والحب الغير مشروط.
صداقتك لبنتك أهم بكتير من الآيفون اللي نفسك تشتريه ليها ،وإحتوائك ليها
أهم بكتير من اللبس والدهب خليك مصدر شبع ليها أنت و أمها صاحبوها هزروا معاها
خليها تشتكي ليكم ضعفاتها واحتياجاتها
اسألوها عن اللي مزعلها و مخليها قلقانة وخايفة ومتوترة كسر تابوهات الخجل ، وكلموها عن الجنس
وقدسيته و توقيته المناسب ، وفي أي نطاق و فهموها يعني إيه تحرش جنسي سواء لفظي ، أو جسدي
و إزاي تقيم اللمس المظبوط و غير المظبوط. فهموها يعني إيه شبع ، و يعني إيه غريزة
وكيف نحترم رغباتنا من غير ضرر و فهموهم أن الجنس مش بعبع و لا جريمة
ولا إحتياجاتها الجنسية ضعف دا طبيعي و طبيعي جدا بس ماتنسوش تفهموهم إن كل حاجة بتتعمل في ميعادها
و سياقها السليم ومع الشخص المناسب بتبقي مصدر فرح للكل ، وبهجة للعيلة كلها
الدكتورة مارينا أشرف ظريف 
ماريانا خلف شحاته 
ماريانا خلف شحاته 
سندي صموئيل جرجس 
السيدة مجدلية لطفي 
دميانة مسعد سعد جرجس 
سارة رياض يوسف 
كارمينا كمال فوزى 
مريانة طنيوس الشايب شحات الفتاة المختفية
وأوعي العنف لأنه مش حل خلي بنتك تحبك و تحترمك مش تترعب منك لأنها لما تخاف منك هتلاقي عيل يعوضها إحتوائك و حبك بكلمتين حمضانين وهتلاقيها رحبت لإنها إنسانة محناجة دفا، حب، إهتمام.
عزيزتي الأم: بنتك مسئولية جميلة ربنا إئتمنك عليها فخليكي قدوة و تأكدي إن تصرفاتك قدامها أهم درس في التلمذة و التربية و أخطائك هتبقي مبرر قوي لأخطائها
صداقتك ليها هتطرد الخوف و عدم اليقين و هتحسسها بالأمان و السند.
صاحبيها و سامحيها و فهميها إننا بني آدمين بيجيلنا أفكار سلبية و جنسية و إيجابية
و كل ده عادي بس المهم نتعامل إزاي مع كل ده من غير ما نقلق ، ونخاف أو نترمي في حضن ذئب بشري حقير.
طبطبي عليها و فهميها أن الجنس مش روشنة و بنت كوول فهميها إنه شئ ثمين و غالي جدا
و بيعبر عن شرفها في مجتمع بلا شرف فلازم يكون في إطار مقدس و شرعي ، وفي وقته المناسب.
الدفء الأسري مصدر للشبع و أهم ركائز الحفاظ علي البنت والولد و منارة الهداية للمخطئ ، والمتخبط
و مصدر الأمن فحافظوا عليه و خليكم فاكرين إن تصرفاتكم بمثابة تعليم ضمني ليهم.
الدور الكنسى
الكنيسة في مصر مش مجرد دور عبادة للمسيحيين، الكنيسة تساهم بشكل كبير في تكوين الوجدان القبطي سواء بالدور التوعوي أو الروحي أو الإجتماعي و علشان كدة الكنيسة المفروض تساهم بشكل أكبر في التصدي لمشكلات إختفاء أو إختطاف القبطيات.
طب إزاي؟؟ مدارس الأحد في الكنيسة تكون مختلطة للأطفال لكسر حاجز المجهول عند الولد و البنت و لضمان نشأة نفسية صحية و خاصة في الصعيد فيصبح الولد بالنسبة للبنت هو زميل و أخ و قريب و لا داعي لرهبته أو إستكشافه بالإضافة للشبع الإجتماعي اللي بيحققه الإختلاط المبكر .
مدرسين مدارس الأحد
لازم يتم إختيارهم بعناية و ياريت معايير الإختيار تكون بعيدة كل البعد عن الدروشة الروحية و الهوس الديني، يعني إيه؟ يعني حضرتك وظّف الخدام المؤهلين للخدمة بشكل مثمر بالبلدي كدة إدي العيش لخبازه يعني اعمل اعداد خدام بشكل مختلف بحيث يكون الخادم مش مجرد واحد داخل “يقول الدرس” و يردد كم آية!!!!
الوعظ :
يبقي جزء منه يخص الحياتيات و عن طريق متخصصين يعني بلاش نغمة “أبونا بيفهم في كل حاجة” و بلاش الأباء و خاصة الرهبان تفتي في الأمور الجنسية.
الموضوع سهل متخصص دارس يتم دعوته و يعلم الناس و موضوع كورس المشورة إما يتم معالجته عن طريق متخصصين إما إنكم تلغوه لأنه أتفه من إنه يتدرس أساسا.
الأباء الكهنة
يجب عليكم مراعاة ظروف الناس اللي حياتهم بقت جحيم بسبب عدم السماح بالانفصال أو الطلاق و حاولوا دايما تحط بنتك ككاهن مكان المشتكية أو إبنك. بلاش تعنت لأن دي أكتر نقطة بتدفع طرف للخيانة أو الهروب أو الانتحار أو إرتكاب جريمة أحيانا.
ما حدش طلب منكم التسيب لكن التزمت الحالي هو سبب هروب كثيرين لأنكم ببساطة ما خلتوش قدامهم إختيارات. و بعدين إيه الفائدة الروحية من إجبار إتنين إستحالت العشرة بينهم مش طايقين بعض؟! تفتكروا هيصلوا إزاي
و يبقوا مبتهجين بالرب؟؟!!!
و أخيرا دور الزوج و الزوجة تجاه الكنيسة : ياريت بلاش مشورة الأباء الكهنة في الأمور الجنسية لأن معظمهم مش مؤهلين لا علميا و لا حياتيا ( شبه راهب طول السنة).
لما تظهر مشاكل جنسية روحوا لناس متخصصين و هم يساعدوكم و دمتم في وعي أصدقائي..
