جريدة الأهرام الجديد الكندية مقالات مشابهة
لماذا قال الفيلسوف و الإقتصادي الألماني ” كارل ماركس” أن الدين أفيون الشعوب؟؟!!لما يقنعوا الفقير المعدم أن الغني نصيب والفقر نصيب و أن كل واحد بياخد نصيبه وأن كله مكتوب يبقي الدين أفيون الشعوب.
لما يقنعوا المريض ان المرض بركة و البلاء نعمة من الله يبقي الدين أفيون الشعوب.
لما يقنعوا الغني اللي عنده طفل معاق أن الموضوع مش جينات ولا عوامل وراثية وأنه له في ذلك حكم يبقي الدين أفيون الشعوب.
لما يطلع راجل دين يقولك بلاش تذمر ضد الغلاء لأنك بكدة بتتذمر علي ربنا يبقي الدين أفيون الشعوب.
لما يطلع رجل دين يقولك بلاش تتعالج من أمراض مزمنة لأنها ضد إرادة الله ( المسبب للمرض ) يبقي الدين أفيون الشعوب.
لما يقنعوا الشعوب أن الغلاء و الوباء من الله كغضب يبقي الدين أفيون الشعوب.
لما يقنعوا الفقير أن الفقر نعمة و الغني لعنة لأن الفقراء معذبين ع الأرض ولهم الملكوت يبقي الدين أفيون الشعوب.
لما أكتر ناس بتتكلم عن التقشف و الزهد و الدعوة للعطاء هم أكتر ناس مرفهين يبقي الدين أفيون الشعوب.
لما يقنعوا الناس أنه حرام الخروج على الحاكم رغم فساده يبقي الدين أفيون الشعوب.
لما رجال الدين يبقوا من رواد القصور والعربيات الفارهة رغم أنهم من عائلات فقيرة يبقي الدين أغلي من الأفيون.
لما رجال الدين يشاركوا في صنع القرارات السياسية والاقتصادية والاجتماعية والثقافية في المجتمعات المتخلفة يبقي الدين أفيون الشعوب.
لما يستغل الدين في تكميم الأفواه و يستعملوا نصوص بعينها لإحتمال الإضطهاد والفساد يبقي الدين أفيون الشعوب.
لما تلاقي دكتور بيستند علي نصوص دينية مش نظريات طبية مؤكدة يبقي الدين أفيون الشعوب.
لما تلاقي كل رؤساء الدول المتخلفة والفقيرة بيبدأوا حديثهم بالدين و يتخلل حديثهم الدين ويختموا حديثهم بالدين يبقي لازم يكون الدين أفيون الشعوب.
لما تلاقي رجل الدين بيحل محل الدكتور و المدرس والسمسار و يبقي هو مصدر الإرشاد في كافة المجالات يبقي الدين أفيون الشعوب.
لما تلاقي الناس بتلهث وراء المعجزات والغيبيات و رجال الدين بيتعالجوا ف الخارج عند أفضل الأطباء يبقي الدين أفيون الشعوب.
لما تلاقي كل فاسد متدين وكل حرامي بيصلي يبقي الدين أفيون الشعوب. لما تلاقي السوشيال ميديا في الشعوب المتخلفة مبتتكلمش غير في الدين يبقي الدين أفيون الشعوب.
