جريدة الأهرام الجديد الكندية 
مقالات مشابهة
السيدة الشجاعة
في الهند هناك عادة غريبة، مش عارف سببها، المرأة هي من تقوم بدفع المهر للراجل، يمكن التفصيلة دي مهمة حتى نعرف ما حدث لبطلة الحكاية
اسمها “نيرجا بانوت” بنت هندية قلبها أحب هندى وارتبطت بيه وعملت مضيفة طيران من أجل جمع مهر حبيبها
تم تحديد موعد الفرح وعيد ميلادها باقى عليه يومين هي قبلها خرجت فى شغل على الطائرة بانام 73.. ولو كتبت اسم الطائرة على جوجل..
الطائرة كانت متجه من الهند لأمريكا، وفيها 361 راكب منهم 41 أميركي، والطيارة خطفها 4 ارهابيين وقرروا يقتلوا كل من هو امريكي في الطيارة قتل على أساس الهوية مش مهم أنت مسلم أو مسيحي أو يهودي طالما معاك الباسبور الأمريكي لازم تموت هي قررت تخفي كل جوازات السفر.. وتعرض نفسها للقتل من قبل الإرهابيين.. كانت خطة الإرهابيين أنهم يجبروا الطائرة على الذهاب إلى قبرص من أجل الضغط على أمريكا لتفرج عن مساجين هناك، لكن “نيرجا بانوت”.. سمعتهم بيتكلموا وهربت الطيارين من قمرة الطائرة.. ولما عرفوا نزلوا فيها ضرب وحينما فشلت الخطة، ظلوا محتجزين الناس في الطيارة 17 ساعة.. كانت هي بتهدي دا وبتجيب اكل لدا.. وكانت تقريبا هي الوحيدة اللي متحكمة في أعصابها.. عرفت تلاقي مخرج من الطيارة تخرجها برا، وكانت تقدر تخرج وتسيب الجميع لكن مخرجتش بدأت تخرج الناس شخص شخص، وحينما عرف الإرهابيين قرروا اخذ ثلاثة أطفال رهائن، قامت البطلة “نيرجا بانوت” بالنوم فوقهم لكى تمنعهم من احتجازهم، فكان نصيبها ثلاث رصاصات في الظهر ، عشان تموت قبل ما تعمل المهر وقبل عيد ميلادها الـ 24 بيومين.
الهند منحتها أكبر وسام شجاعة عندها وباكستان كرمتها بنوط الشجاعة وأمريكا أيضا، وسموا شوارع ومستشفيات باسمها، طفل من التلاتة اللي انقذتهم كبر وبقي رئيس شركة طيران حاطط على مكتبه صورتها، والسيرة اطول من العمر يا بنتي. وقصة حياتها اتعملت فيلم اسمه “نيرجا بهانوت”
