جريدة الأهرام الجديد الكندية 
مقالات مشابهة
شوقى عقل
في الأيام الأولى لسد النهضة، قالوا ولا يهمكم البديل نهر الكونغو وسد يضاعف موارد مصر، ولما بدأت أثيوبيا في البنا، قالوا المملكة أعطت مصر جزيرة الفرسان مقابل مضائق تيران وهي جزيرة قريبة من السد، والعمل جاري لإنشاء مطار و..بكره تشوفوا! ثم بعدها تأكيد (العلماء) أن السد مقام على فوالق وكلها كام يوم ويأتيه أمر الله وكل من عليها فان، ثم أعلن الرئيس السيسي تعهده (هو أنا ضيعتكم قبل كده؟) ثم سياسة حلف عدوك اليمين ونام واعمل أفراح وليالي ملاح، ثم إعلان تخصيص تريليون جنيه للمعالجة والتحلية، ثم التعويل والجري خلف حكومات الدول وسياسة (والنبي ياعم) وتهريجة ترامب (روح دمر بلا خوتة!) وهو عارف الفولة! ثم الخطوط الحمراء ولو نقطة ماء وبعدها بيوم الإشارة إلى هزائمنا في ٦٢ و ٦٧ لرفع الروح المعدنية، ثم خرج علينا السيد سامح شكري بالأمس يقول (ما فيش ضرر) والرد سيكون (على حجم الضرر) اللي هو ما فيش! وعندما يمتلأ السد بعد كام يوم سيخرج علينا المتحدث أياه: ـ بس لو ما كانش مليان! أحنا بس خايفين على أخواننا في السودان! وتحيا مصر تلات مرات، وتموت ألف مرة، المهم الأخلاق زي ما الحاجة الوزيرة ما قالت.
شوقى عقل : انت انسان محترم جدا وبتكتب وقائع وتحليل محترف – ارفعلك القبعة