جريدة الأهرام الجديد الكندية مقالات مشابهة
بقلم / ماجدة سيدهم
فمن بعد ما اختبرنا التزام البيوت وشعرنا بحالة من الاسترخاء الجسدي والنفسي .وجدنا الغالبية رحبت جدا باستمرار حالة الهدوء اللي كنا افتقدناها بالشوارع والبيوت ..
واكتشفنا حجم التوتر والضغط العصبي اللي كنا اعتدنا عليه لحتى اصبحنا نعاني الاكتئاب والعبوس والضجر
واكتسب الكثير مننا سلوك ونمط لحياة جديدة. في الشراء والاستهلاك والاقتصاد بمهارة فأصبحت الحاجة للأولويات والأهم والصرف أصبح بحرص أكتر .. وأيضا أصبح الخروج للضرورة ..
*اتغيرت مواعيد الأفراح فأصبحت نهارية في أبسط وأشيك صورة من دون تجمهر أو تكاليف باهظة للقاعات ..
* اعمال كتير تمت من البيت بنفس كفاءة العمل بالمكاتب ..دا خفف من حدة زحام السيارت خاصة في أوقات الذروة النهارية
* الاهتمام بالبيوت أكتر ..في شكل تنسيقه ..والاهتمام بالمطبخ من بعد ما قلت كتير رغبة الأسرة في الوجبات الجاهزة. نظرا لارتفاع مستىوى الوعي . واستعادة مواهب واهتمامات أهملت ..وعادت بيوت كتير للعب الدومينو وغيرها . .
*ناس كتير عملوا من بلكوناتهم مكان حلو جدا ومريح لقعدة الأسرة بالمساء من بعد ماكانت البلكونة مكان مهمل او منشر للملابس أو مخزن للكراكيب ..
*ويبقى السؤال لما التزام البيوت ماعطل حاياتنا ولا اهتماماتنا. ..يبقى ليه حالة الفرهدة اللي كنا عايشينها ٢٤ ساعة متواصل في ضحيج وتكدس وعشوائية في الشوارع بلا حساب أو مراعاة
طيب إيه المانع من بعد انقضاء الأزمة الحالية والعودة للحياة الطبيعية أننا نستمر بنظام الحياة المريح دا … نخرج لأعمالنا باكر ونقضي مصالحنا ومشترواتنا حتى ٨ مساء.. ودا وقت كافي جدا ..ونعيش المساء بهدوء أعصاب
على فكرة دا بيحسن جدا من كفاءة االاداء بالعمل والانتاج .. وبيعطي متعة محفزة للإستفادة من الأجازة مع الأسرة أو الخروج للفسحة أو السفر
.أظن دا أفضل استثمار للوقت المهدور بلا قيمة أو عائد ..
* فرض القوانين الصارمة والغرامات لظبط الشارع من ضجيج وتكدس وعشوائية ونظافة وتجميل هي مسؤولية المرحلة القادمة لو فعلا عاوزين نستغل أي ايجابية اكتسبناها
كمان حملات التوعية المحفزة لأنظف وأجمل بناية أو محل أو شارع والاهتمام بالتشجير وزراعة الورد وذلك بالاعفاء من فاتورة الكهربا أوتخفيض كبير للضرايب مثلا ولتكن عن شهر
أو اكتساب مشتروات قيمة من أحد المولات الكبيرة مثلا… أو منح رحلة سياحية أو ترفيهية داخل مصر للفرد أو الاسرة الرابحة في مشروع التظافة والتجميل دا مجانا او حتى لو بمبلغ رمزي مغري ..ودا يعتبر تنشيط للسياحة الداخلية كمان ..
أضيفوا اقتراحاتكم ووجهات نظركم لنستفيد جميعنا ..
