جريدة الأهرام الجديد الكندية 
محمد محمود البريشي
ابتدى فسرد الحكايه
هى كانت يوم صبيه
وفالجمال والحسن ايه
كانت الارض العفيه
كانت الايد القويه
كانت البسمه البهيه
كانت كل حاجة ليه
والزمن كان المرايه
عد من عمرى السنين
خد فرح وذاد الحنين
ومن سنين وانا قلمى ضايع
والشعور مات مالالم
مبقتش حاسس بالوجايع
كل يوم قلبى فوجع
واافتكرت انى مصارع
والحياه مفهاش حكم
والمباره جوله وحدة
وكم برئ فيها اتظلم
والطرق صبحت سدود
والعذاب من غير حدود
والجراح ملهاش دواء
والدمع صاحب للخدود
والاهات ملهاش صدى
وجايه نهاية اللى ابتدى
ويدايتى من النهايه ورقه فيها كلمتين
الاولى منهم الحزن خيم عالجميع
والقهر مرحمش الرضيع
والتانيه عمرى ليه يضيع
والباقى من اعداد حسابى
جرح والم وعذاب فظيع
وهى دى نهاية البدايه
ولا دى بداية النهايه
مش فارقه معايا حجات كتير
