صباح اليوم و مع دقات أجراس الكنائس بالقداسات في تمام الساعة السابعة صباحا قام المهندس نادر صبحي سليمان مؤسس و مسؤول حركة شباب كريستيان للاقباط الأرثوذكس بتدشين حملة صلاة من أجل المسلمين الصائمين و قال في بيان رسمي يحمل هاشتاج بعنوان هندشن حمله صلاة من أجل اخواتنا المسلمين الصائمين و تحت شعار «صلّوا بعضكُم لأجل بعض» و قال في صياغ بيان الحملة عاوزين نرفع صلاة من أجل اخواتنا المسلمين يقدروا يواصلوا صيام بخير في موجة الحر دى “
«صلّوا بعضكُم لأجل بعض» هكذا علمنا الكتاب المقدس
تعالوا مع بعض كل حد فينا في القداس انهاردة او حتي الناس اللي مارحوش القداس و هم في مكانهم قاعدين نرفع صلاة دلوقتي من أجل أخواتنا المسلمين اللي صايمين و حقيقي انا مش متخيل هما صايمين إزاي .. ناس صايمة عن الأكل و الشرب.. طيب بلاش الاكل كلنا في الحر مش بنقدر ناكل لكن الميه اللي لو تخيلت نفسك في الجو المميت دا تقدر تعدى ساعة بدون ما تفتح الثلاجة و تشرب !! اعتقد صعب و قد ايه ناس و بالأخص كبار السن و المرضي عاوزين نصلي إن ربنا يحافظ على صحتهم مع ارتفاع درجات الحرارة التي تخطت حدود الوصف و أعلنت عنها الدولة و الأرصاد الجوية و حذرت بشدة من الخروج بالشوارع لان اول مرة تمر مصر بارتفاع في درجات الحرارة الي هذا الحد و حقيقي مش متخيل مدى تحمل الصائمين لهذه الحرارة بدون شرب الماء .. نصلي من أجل سلامتهم و صبرهم و عزيمتهم و تصميمهم إنهم يصوموا.. نصلي إن ربنا يحافظ على صحة كل الناس الحلوة دى .
مؤسس و مسؤول الحركة :-
مهندس / نادر صبحي سليمان .