جريدة الأهرام الجديد الكندية 
مقالات مشابهة
ماجدة سيدهم
وحملة استر بنتك خلينا نعرف نصوم ..حقك طبعا وأوعي تغض بصرك ..أصل البنات ماشية بالمايوهات في الشارع ..
بس هو سؤال ..ممكن حضرتك توضح أكتر تقصد إيه بالحملة الفخيمة دي ..يعني إيه اللي بيحصل لاعضاء معاليك بالظبط ..واحنا لسه في أهو اول يوم مفترج ..بس والنبي ياشيخ سيب السيجارة والساندوتش شوية وقول ماتتكسفش ..
وبعدين دا على أساس أنك ملموم طول السنة ..دا إنت يامحترم مصنف ك كائن نجس.. في التحرش والاغتصاب والمواقع الأباحية والسرقة والنصب والكدب والقذارة والعنف حضرتك بكل فخر نامبر وان ..
طيب حاتعمل إيه يامؤمن في الملابس اللانچيري والشفتشي المعروضة قطعة قطعة وبالألوان الفاقعة على المانيكان بالمحلات وعيني عينك على الأرصفة..
اما عن حالة الهيحان اللي حولتك على إيد بهاليل النجاسة من بني آدم لمجرد كائن هايج ومولع .فتقدر تحلها بألف طريقة ووسيلة ..ومش حاتغلب ..باب الاجتهاد والفتوى مفتوح ..بس ابعد يامحترم عن بنات الناس والأطفال والمعاقين ..وابعد كمان عن الحيوانات مالهاش ذنب ..عندك حلول مالهاش آخر
بالذمة دا تفكير ناس ليها مستقبل ولا حتى حاضر ..دول شعب كتير مش مجرد أفراد ..
فوقوا قبل الخراب مايجور على على الأخضر واليابس..ماشبعتوش قلة بركة وفشل ووساخة ..
وارجع اقول لو الدولة عاوزة تلم الليلة المنحطة دي حاتقدر ونص ..مش قضية دين ولا تفاسير ولا غيره ..للأسف دا توجه ..تترمي في حضن الحماقة بشكل ديني .. يعني ولعوا ف بعض بعيد عننا ..
