ماجدة سيدهم تكتب : مافيش اسهل من الكدب على الله ..

مقالات مشابهة

جهاد الكريسماس

‏يوم واحد مضت

صوم حر..

‏3 أسابيع مضت

علام تتنازعون

2 نوفمبر، 2024

نعم مافيش اسهل من الكدب على ربنا .. كدابين رغم إن كلنا مؤمنين ..

ببساطة لإننا خايفين . مش من ربنا إطلاقا ..لكن بنخاف من بعض.. من قسوتنا على بعض وكرهنا لبعض وانتقامنا وشماتتنا ف بعض ..
بنخاف من بعض لإننا شايفين بعض. يعني احنا حقيقة ملموسة

لكن أخاف من ربنا ليه.. ما نا لا شايفه..ولا شايفني ..يادوب سمعت عنه ..فسهل جدا الضحك عليه ..نستكرده شوية . نستعبطه شويتين ..والتجارب المرة والعرة تؤكد كدا..

نعمل كل مصيبةو التانية ونقول. “اوعي دا نا موحد بالله “
.. أو كفاية أوي احلف بالايمانات كلها إني ليل نهار واقف على المصلية وخلصت الليله…..
يكفي كم القذارة والانحطاط خير دليل ..

أيوه كدابين من سلالة كدابة..من نسل كداب ..لأننا عرايا..عرايا من القيم والتربية والجمال والشرف وقدام بعض كلنا مش مستورين
.
احنا عبيد الخوف ..إلهنا الخوف.. بيوتنا خوف ..لقمتنا خوف..بكرا خوف .. الحلم خوف ..الثقة خوف ..ولاإنا بنكره حتى ربنا فيبقى الكدب الحاجة الوحيدة اللي بتحمينا م الخوف

من ثمارهم تعرفون مساحة صدقهم..