جريدة الأهرام الجديد الكندية 
مقالات مشابهة
قررت إدارة التحرير بموقع الأهرام الكندى نشر رسائل المصريين بالسعودية والخليج التى تحوى مشاكلهم وهمومهم ، على أن يتم توجيه هذه الرسائل الى وزير القوى العاملة ووزيرة الهجرة وقبل منهم مكتب العمل السعودى ، ونظرا لخوف بعض المصريين من بطش كفلائهم ، سنذكر المشاكل كما ترد لنا بدون تدخل منا وقد لا يذكر فى بعض الرسائل أسم صاحبها
واليكم الرسالة الثانية
انا بقالي سنتين ف مكتب العمل بسبب مستحقات رواتب سنه وبعد ما خدت قرار ابتدائي بمستحقاتي الماليه بعدين استأنف وخدت قرار نهائي بمستحقاتي واجب التنفيذ
جيت انفذ اقدم التماس واتقبل واتفتح جلسات تاني وبعدين قعدت اسبوع متبهدل من غياب موظف لضياع ملفي لغياب القاضي لعدم اكتمال الاوراق
المهم جلسنا وبعدين القاضي قاللي الحكم 30 واحد هجري
انا نقلت من عليه أثناء القضية على اساس ان القضية تفضل زي ما تفضل بس للاسف داخل فى 3 شهور من غير شغل والتجديد علي حسابي وبقالى اقل من شهر ونص ع التجديد ومش معايا فلوس
المهم عرض عليا وكيل الكفيل اني اخد نسبه من مستحقاتي ويرجعني الشغل مرة أخرى وبينقلي وبيجددلي استخرت ربنا واتفقنا على الوضع
للاسف ومن سذاجتي ومن سوء حظي وقلقي ولظروف شديده باهلي خدت النسبة ومضيت مخالصه وروحنا مكتب العمل عشان الصلح ونسجل بنود الصلح القاضي قال مش فاضي تعالو الاحد
انا كنت تمام وبنتواصل وبتصل وبيتصلوا بيا ومتابع والدنيا تمام لكن خايف ينكروا ويغدروا بيا
لا قدر الله قدام القاضي وانا للاسف معرفتش اخد حذري
فهل عند حضرتك حل لو لا قدر الله اخلوا بيا وغدروا بيا وابقوا الصلح امام القاضي علي توقيعي في ورقة المخالصه فقط
طبعا انا وافقت عشان ليا مركز كويس ف الشركة دي وهما عايزيني وانا قاعد من غير شغل والظروف اضطرتني للرجوع
