جريدة الأهرام الجديد الكندية 
مقالات مشابهة
اسمعيني من فضلك
محتاج بجد افضفضلك
عن الوجع اللي جوايا
وسبب حزني وبكايا
محتاج لقلب يسمعني
وحضن يضم ويسعني
عايز أحس بوجودك
وبلاش تخلفي وعودك
مش ياما كنتي بتوعديني
انك انتي مش هاتسيبيني
عندي ليكي ياروحي عتاب
وما احلي عتاب الاحباب
ليه انتي بتحسي دايما
اني ممكن اكون ناسيكي
وليه مش واثقه اني ممكن
ابيع الدنيا واشتريكي
ليه اتهامك ليا آني
مشاعري متغيره معاكي
وليه بعدتي فجأه عني
وأنا كل همي انول رضاكي
ممكن اكون معاكي مقصر
وده بيكون مش بارادتي
لكن عمري في يوم مااتغير
وقلبي مكانك مهما بعدتي
أنا ماتغيرتش ابدا لكن
مشاغل الدنيا وخداني
وهايفضل حبك جوايا ساكن
ومن غيرك بكون وحداني
عمر ما حبي ليكي هايقل
حتى لو انتي حاولتي تغيبي
وهافضل اعافر مش راح امل
ومستنيكي تقولي يا حبيبي
وحشني حضنك بقي تعالى
ننسي كل لحظة بعد
ومهما حصل بينا استحاله
يجي يوم ونهون علي بعض
مع حبي
