جريدة الأهرام الجديد الكندية 
مقالات مشابهة
ولا انا وابنى مش من الناس اللى انت حاسس بيهم؟
دا ابنى والله حكايه فى احترامه وفى اخلاقه قدوه ليهم!
ابنى متعلم ومتربى وشاطر ابنى كان فى جيشه مع مصر قدالمخاطر !
لما يكون لشغله رايح يتقبض عليه ويتظلم تبقا فضايح *
ولادنا ليه مش معاهم
ولا ولادنا مش من الناس اللى انت حاسس بيهم؟
كلهم اولادى ايوة بس ابنى نور عنيه*
لما يتظلم ويتحرم ويتسجن خمس شهور وهو برىء ولما نستغيث لا يوجد مغيث *
يبقا احنا مش من الناس اللى انت حاسس بيهم *
لما اشوف انا الاهانه والمذلة والاستهانه ابقا انا مش بنت مصر *
لما اجرى وراك كتير لما اتمنا لمصر الخير لما اشيلك فوق كتافى وصوتى يعلا بالهتاف فى الميادين تحيا بلادى تحيا مصر فى كل دين وانت ساكت على اللى ظالم ولا متردش مظالم*
يبقا احنا مش من الناس اللى انت حاسس بيهم *
اسفه يابنى يامحمود
عملت اللى ممكن يتعمل فى الوجود لاجل رد المظالم بس كان القاضى ظالم!
اسفه ياقلب امك *قبل ما ظلم زهره شبابك ظلم وهان ابو اللى جابك *
اسفه جدا على اللى فات بكره تفرح وتقول ذكريات *
بس بجد انا اسفه ليك من كتر الظلم انا قلبى مات عمرى ماهنسى الآهات اللى شفتها فى عينك وقت السكات عمرى ما هنسى كسرتى وقهرتى والظلم اللى فات مش بقولك قلبى مات ابيع عمرى كله ومشفش فى عينك اهات اسفه ليك طلبوا مني السكات*
بس انا بقلها بقلب ميت طول ما ابنى فى الظلم ساكن مش هيكون فيها سكات*
ابنى ليه مش فيهم ابنى باخلاقه واحترامه قدوه ليهم *
اتمنى من ام الدنيا تحتويهم وتصلح اللى اتكسر فينا وفيهم*
رغم الظلم والالم بحبك يامصر بحبك يابلادى
ام محمود
