جريدة الأهرام الجديد الكندية مقالات مشابهة
ياأحلي الناس وأجمل الناس
مع السلامة ياأقرب الناس
الدموع جفت من الدموع
والجفون مبقاش فيها دموع
مش فاضل غير قلب موجوع
ينزف دموعه من جواه
من غير حتي مايقول اه
وحيقول اه علي مين ولا مين
بيروح واحد ورا التاني
وكلنا ماشيين
بخطوات سريعة بيجروا
دا ابويا ودي امي
ودا عمي ودي اختي
قطر العمر مش بيستني
بيجري واحنا كلنا وراه
واللي بيروح بيتهني
بس بيسيب لوعة وراه
نفوس تعبانة ونفوس مكسورة
ودمعة مكبوتة جوه ومقهورة
ياتري مين اللي عليه الدور
خلاص تعبت من الفرقة والفراق
مستني يارب اللقاء
اللي من بعدة مافيش تاني فراق
مع السلامة . مش كلمة وداع
لكن علي امل قريب يكون لقاء
بقلم : نشأت عدلي
