مايكل مكرم يكتب :ياللي ناسيني”

ياللي انت بعيد عن عيني
وقريب جدا من قلبي
يا حبيبي غلبني حنيني
ومش قادر اوصفلك حبي
ياللي مابتغيب عن بالي
وكلامي مافيهوش غير سيرتك
واحشني بجد يا غالي
وعيني مش شايفه غير صورتك
واحشني ياللي ناسيني
عمرك ماغبت عن بالي
ليه يا حبيبي راميني
ولا مره سألت عن حالي
برغم قسوتك ليا
وبرغم اني من دمك
يوماتي دمعي في عنيا
وبرضه لسه بحبك
ارجعلي بقي كفايه
مش قادر أعيش من غيرك
وتملي عايش جوايا
برغم عندك وتقصيرك
واحشني ياللي ناسيني
عمرك ماغبت عن بالي
ليه يا حبيبي راميني
ولا مره سألت عن حالي
مع حبي