جريدة الأهرام الجديد الكندية 
مقالات مشابهة
شعر/ لمياء صلاح
غاليه جدااااا مشاعري
والاغلي تعبيري عنها
لو تقدر عليها ……
لو تقدر تراعيها…..
قرب وكمان قرب
لو تقدر بس تتحمل
قوتها …رقتها
تيارها الجارف
بحور حنينها والحنان
وكمان أحلامها والأمان
اللي ساكنها وماليها
قرب وكمان قرب
لو تقدر تكونلي ..حلم
وفي لحظه أحلى علم
وكمان حقيقه حاضنها خيال
وكمان فارس خيال
قرب وكمان قرب
لو تقدر ……………….
تحضن فيا ضعفي
وتصون كبريائي وكرامتي
وتكسر أسوار قلبي
وتحطم فولاذ حزني
وتمحي أسطورة ألامي
لو تقدر …..على أقتحامي
قرب وكمان قرب
لو تقدر تحلم نفس حلمي
وتبقى يقيني وسرابي وعلمي
في الوقت دة …….أكونلك
بعمري .بروحي.بقلبي أكونلك
بسنيني اللي جايه واللي معديه
والعمر بيني وبينك يبقى
حنيه ومراعيه وأيام هنا وسعادة وأحلام ورديه
وأسطورة حب
أعيشها معاك
تدوم بمليون سنه جايه
وعيون مليانه حنان
حاضنها أمان
وقلب طيب عاشق
يحبك ويكونلك على مر الزمان
بس لو تقدر ..لو تقدر
