ماجدة سيدهم تكتب : تجارة عمرو خالد

مقالات مشابهة

علام تتنازعون

‏3 أسابيع مضت

الهدم يبدأ من التعليم ..الجريمة الوقحة

‏4 أسابيع مضت

نصف الحق يعثر الكثيرين

‏4 أسابيع مضت

أنا مؤمنة بمثل « لو كان فيه الخير مارماه الطير .».

كلامي لجموع الولهانين اللي كانوا يضلوا بالساعات قاعدين يسمعوا الانيق عمرتو خالد في حالة خشوع ..شباب مبلم بنات نايحة وستات بتسح من عينيها ..

عمرو خالد زي التاجر النصاب لكنه عرف حاجة الناس.. عرف انهم جعانين ..جاب بضاعته الفاسدة وعمل عليها عرض مغري ..حط افكاره في قالب شكله بيلمع ..مزج بعض الايات واحاديث بشوية كلام عن الموسيقا على اسم فيلسوف على بيتين شعر والقلب الولهان ودموع وهئ هئ ..

واحنا لأننا جهلة ومش مقتنعين ان لينا حق ف الحياة ولازم نعيش افضل ف بنجري اوى ورا العروض الرخيصة .مابنفكر مرة ونشوف على تاريخ الصلاحية .. جرينا روا البرطمان الشيك ولما فتحناه كانت المربى مخللة ..

عمرو خالد قدر يأسر قلوب كتير من النساء ..وتمنت الكثيرات مثل عمر و خالد وقارنوه بازواجهم وياريته يكون رئيس مصر ..دا هوس ناس جعانة تكون بني ادمين

الجوع اللي ف الشوارع ياسادة هو جوع للحياة ..للانسانية وليس جوعا للدين اطلاقا . القهر الديني وتحريم كل شيء مزق الوطن الى نصفين نص ضايع بيتحرش بالنص المتكفن ..

فطبيعي تلاقي ناس اتخنقت وخايفة ومقهورة وجعانه بتجري ورا أي كلمه عن الحياة ..يشموا نفسهم شوية ..ودا اللي عمره التاجر الانيق عمرو خالد..

ياناسي واهل حتتي الغالين على قلبي وخصوصا من جنسي انتبهوا ماتجروش ورا اي كللام ضد لطبيعة ..ضد الحياة والجمال والتحضر .. لانه ببساطة ضدكم ..وآديكوا جربتوا سنين ..وشربتوا المر كاسات ..فكروا شوية واتعلموا تختاروا من غير خوف وترفضوا من غير خوف وتواجهوا برضه من غير خوف ..الاقنعة بتقع ادامكو ودا ف حد ذاته كشف للحقيقة

عمرو خالد ..طير انت ..اللي بعده ..