بالفيديو : أهم ماقالته المهندسة حسناء حسني كبير مهندسي الجودة في أكبر شركة مواتير طائرات بأميركا .

– أعمل كبير مهندسي الجودة بشركه ايتون لـ مواتير الطائرات بـ امريكا
– كنت أعمل في مصانع سيارات volvo لمواتير العربيات
– كنت أعمل في شركة بيكتل لتصنيع المحطات النووية والتي تحتكر 90 % من صناعه المحطات الننويه بامريكا وبلاد كثيره في العالم
– انا من الاسكندرية ودرست بكلية الهندسة جامعة الاسكندرية
– حصلت علي دبلومة من الاكاديميه العربيه للعلوم والتكنولوجيا
– ذهبت لامريكا بشهاداتي المصرية واشتغلت علي طول
– شركة ايتون من أكبر مصانع مكونات الطائرات في العالم
– محرك الطائرات اللي بيخرج من مصنع ايتون بيتم استخدامه في تطبيقين أما تطبيق عسكري لاغراض التسليح او تطبيق مدني وهنا المحرك بيستخدم في شركه بوينج واير باص ودول أكبر شركتين
– حوالي 80 % أو أكثر من الطائرات بيكون بها مكون من مصنع ايتون التي اعمل بها
– بشتغل ضمن فريق من المهندسين والمصميين لتصنيع هذه الاجزاء من المحركات ودي مسؤليه كبيره
– جزء من محرك الطائره يمر بعدد من الاختبار وقد يصل الاختبار الواحد لـ 3000 ساعة
يعني في حدود 6 شهور لاختبار محرك طائرة
– تم انتخابي في 2014 في لجنة الهندسة الصناعيه بـ الجمعية الامريكية للجودة واللي ليها فروع في جميع انحاء العالم
– احنا دلوقتي بنعيش في ثورة صناعيه رابعه وبشتغل حالياً علي محركات لـ سنه 2020
– اهم ملامح الثورة الصناعيه الرابعه انها ثورة بيانات بحيث ان كل حاجه تكون رقمية
– ميزانيه البحث والتطوير دي اهم حاجه والتطور سريع جداا بس مش دا الحال في صناعه الطيارات نظراً للتكلفة العالية
– يمكن في مصر لما بنخلص بكالوريوس بنكمل ماجستير ودكتوراه بس انا اخترت طريق تاني هو طريق العمل في الصناعه علي طول يعني معملتش الطريق الأكاديمي
– ممكن تشوف في خلال 4 ساعات ماتور عربية في مصنع volvo بيتبني من البدايه للنهايه
– مصنع volvo كان بيشتغل بمجموعه من الانسان الالي لتوفير العماله والمجهود
– دلوقتي بنعمل ان مش بس المنتج يكون صديق للبيئه المصنع كمان لازم يكون صديق للبيئه
– يمكن انا قضيت نصف عمري في مصر لكن انا احب اكون هنا في امريكا اتعلم حاجات جديده واكتسب خبرات أكثر
– مطلوب مني اني اجتاز عدد ساعات معينه من الدورات التدريبية او المؤتمرات او العمل في مشاريع معينه واني احافظ علي جودة الشغل علشان افضل مؤهله
– انا متابعه كل مايحدث في مصر والمشاريع الكبيرة اللي بتتعمل
– كلنا سمعنا عن مشروع تنمية محور قناة السويس
– احنا لو فكرنا في الثورة الصناعيه ان ازاي نضع انفسنا علي الطريق للمستقبل واننا نعمل ايه علشان يبقي لينا مكان في المستقبل
– لازم نفكر ازاي نسوق المنطقه اللي موجوده عندنا ونستثمرها ونستغلها
– لو احنا هنقول اننا هنعمل مصانع ذكيه لازم يكون عندنا بنية اساسيه شبكات تسمح ان المصانع الكبيره تاجي عندنا وتشتغل وده يتطلب شغل كبير مننا
– مصر هي الوطن والأهل والعيله ونصف عمري موجود بمصر
– الاسره الصغيره ومسانده الزوج في الغربه مهمه جدا ان في حد واقف جنبك وبيشجعك
– زوجي دكتور ولكن شجعني وقالي انا شايف انك بتحبي مجال الهندسه وكان دايما بيدفعني ويساعدني
– بحرص علي زياره مصر زيارت سنويه لزياره عائلتنا وقرايبنا واصحابنا
– التجمعات العائليه بفتقدها جدا في الغربه
– اكتر حاجه اتعلمتها من والدي وهو خبير استصلاح اراضي هو الاتقان الشديد في العمل
– لازم لما تعمل حاجه تتقنها وتبذل فيها كل مجهودك وتهتم بالتفاصيل
– اتعلمت من والدتي التفائل لانها دايما شخصيه متفائله وبشوشه