جريدة الأهرام الجديد الكندية 
مقالات مشابهة
كتبها باسم نادر ::انت مسافر بينا علي فين يا اسطي
اركب بس والله كريم احنا هانطلع بالاتوبيس مش راح نرسي في أي محطه
طيب قولي انا هاركب فين أصلي معايا ولادي وعيلتي ايوه معايا كمان الشنطه
رحله طويله ولا قصيره اركب بس يا عم والله كريم لما هانوصل راح نقرأ اليافطه
بس الرحله دي انا حاسس فيها بشوق وحنين أهو إحساس مش اكتر يا اسطي
قالوا الدير ده مسافته بعيده بس الرحله هتبقى سعيده
رغم الامها ورغم مرارها بس الرحله فترته بعيده
تمم يا اسطي علي العربيه أصل انا خايف علي أطفالي دول احبابي وضي عنيا
ايوه بعلم فيهم وازرع عدم الخوف من شئ مهما أن كان وحتي أن ظهر الموت فجأة عليا
مالك يا اسطي وقفت فيه ايه بس خلاص الموت أهو جاي عليا
وصل الموت للعربية. سأل الكل وقال دينك ايه انت وهي
فجأه لاقيت الأم بتصرخ عشت العمر بحاله اقول انا مسيحيه انا مسيحيه
فخري وعزي ورافع راسي شايله صليبه جوه عنيا
سأل الطفل كمان راح قاله عمري ما هانكر المسيحية
هاج ابليس وأعلن غضبه عليا قولت بردو هاموت مسيحية
مهما هتعمل مش راح أخاف عشت العمر بحاله مستني اللحظه ديه
حصد الموووت أرواحنا بسرعه بسرعه وكان مرعوب كان خايف ليه
ايوه الموت اتاريه مستغرب حتي الطفل أعلنها صريحه
حاول فيه ينطقها شهادة قالها في وشه وبكل سعاده
عشت مسيحي وموت مسيحي ايوه الرحله مسافره علي الأبديه
يلي معاهم ايوا يا بختك طالع رحله للابديه ويا مسيحي هاعيش واتمتع
في عشره جميله وراحه هنيه
إهداء الي اروح شهداء انبا صموئيل المعترف
