كان زمان ليا صديق
في عز الحرب بيحميني
كان فرحه ف جوه خنيق
لو دمعت بيمسح عيني
كان زمان لو شوفنا تابوت
نزعل لو حد فينا مات
دلوقت بنطلب الموت
لاي اخ من الاخوات
كان زمان ف مدرستي
بنسلف بعض الادوات
مش عارف ليه ف غيبتي
بيقولوا يارب يكون مات
كان زمان بنتعلم
معني كلمه الاهتمام
دلوقت من جوه بنتلم
علي ضياع الاحترام
شفت بقي حلاوة زمان
كان اغنية من جوه قلوبنا بنغنيها
ما شوفناش فيه الحرمان
ولا حاجه ضاعت نبكي عليها
شفت حلاوة زمان
كنه بنحب بعضينا
دلوقت ظهر بيان
عنوانه الكره ف ايدينا
نقتل ف بعض دايما
ونجيب الدمعه لعنينا
نسرح ف بنت جميله
ونسي حال ولدينا
شفت ايام زمان
بعلامات الحب فيه
كنه بنشيل الغبان
وف الشده نراعية
شفت حلاوة الايدين
اللي متعرفش العدوان
اه لو ترجع السنين
كنه رجعنا زي الزمان
كلمات الشاعر ابرام كمال
![](https://www.ahram-canada.com/wp-content/uploads/2017/05/18491520_1382037115223260_550401176811150387_o-660x330.jpg)
آبرام