جريدة الأهرام الجديد الكندية 
مقالات مشابهة
ايه اللي عملته عشان تقتلني
عمري في يوم زعلتك مني
كنت بقول ده جيراني وصحبي
جنب بيتي وف مدرستي
لقمة واحده بينا حاتكفي
عمري حياتي في يوم ما جرحتك
دايماً أحبك من جوايا كنت في قلبي صاحب صحبك
ليه الغدر يكون ده جزاءك ليا
كنت في عيدك افرح وأجرى أسلم قلبي كله هديه
ليه تقتلني باسم الدين ما احنا بقالنا كتير عايشين
قلبي يحبك من جواه ويسلملك حبه واللي معاه
زي ما قالي إلهي أحبك واتعلمت كمان من حبه اللي أحبه مش هنساه
عمري في لحظه ما تخيلت أن شيطانك يمسك قلبك من جواه
ليه تفجرني وليه تقتلني ليه تهجرني وليه تدمرني
ليه تخليني أشك في لحظه انك مش انسان
ليه فكرت في أن إلهك عايز منك تقتل تذبح
عشت كتير في حياتي وشوفت كتير أشكال والوان
وان كمان الناس التانيه اللي بتعرف ايه انسان
ده الحيوان فيه عشره ورحمه عمره ما خان الإنسان
انت حرمت الأم ولادها تشوفهم تاني مكنتش تعرف أنه حرام
انت حرمت كتير م الناس اصلك عمرك اللي قضيته مكنتش تعرف ايه إحساس
عمر الدين ما كان محتاج للإنسان يدافع عنه
أصل الله ده عارف وحده هو الداين والديان
كنت أظن في يوم لو لحظه اني عشت مع انسان
بس في آخر لحظه عرفت ان انت شيطان
آخر كلمه هاقوله يا صاحبي سيب الدين للديان
بقلم باسم نادر
