جريدة الأهرام الجديد الكندية 
مقالات مشابهة
عمر العمر مكان محسوب بكام يوم عشناهم
عمر طول العمر محسوب بكام حلم حققناهم
كام يوم كملو شهر وشهر عدو سنه حبة ساعات
كسبنا خسرنا ايه؟ عجبنا اللي وصلنا ليه عمر فات
ده لما الضلمه بتخنقنا بنجري بسرعه نفتح
شيش شباك الماضي
بيوجع عنينا بيقتلنا بيتعبنا نور وقت
راح ع الفاضي
متخفش لما الدنيا تعند معاك وتشوفك قصادها صغير
واقف مكانك مش قادر تتحرك ولا عارف حتي تتغير
خد لنفسك مبدء ف الحياه
انه ديماً كما جرت العاده
اللحظه الحلوه ملهاش اعاده
عيش كل دقيقه بالعرض وبالطول
اوعي في يوم تقول
ان انا اقل من اني اتحمل
ان انا اضعف من اني اكمل
اشبع علي قد ما تقدر من كل حاجه معاك وف ايدك
علشان يوم ما تخسرها وتضيع منك محدش هيفيدك
متسبش تلات عقارب يتحكمو فيك ويدبحوك
يسرقو منك كام دقيقه حلوه بتعشهم وبعدها يقتلوك
متستناش حياتك تتحرك قدامك وتعدي
ده مفيش حاجه من سرعة قطر العمر بتهدي
سامي جرجس
