جريدة الأهرام الجديد الكندية 
مقالات مشابهة
ودايما ف شهر رمضان
الفرحة بتطير بينا
وحاجات كتيرة كمان
بتعشش جدا فينا
رمضان مش زي اي شهر
وكفاية اصلا جمال الزينة
توحشنا لمتنا مع بعض
والوان الفوانيس ف عينينا
هما 30 يوم بس ..
اجمل هدية منكم لينا
نقعد ونسهر ع المسلسلات
ونتمتع ف ليالينا
نسمع ” وعد وابو البنات “
والريموت ف ايدينا
ف الشوارع بنزل اتمشى
ومعايا اصحابى واخواتى
واستنى بلهفة ووحشة
صوت طبلة المسحراتى
دول لوحديهم كوم ..
الكنافة والقطايف
بياخدوا لمعة النجوم
ويحطوها ع الشفايف
رمضان كريم مع الكل
واجمل ايام العمر
الواحد لما بينزل الشغل
بيمسوا عليه بالتمر
رمضان معنى الضحكة
اللى من جوة قلوبنا
وبما انه بيعشقنا ..
بكل بساطة يقربنا !
كلمات : ديفيد منيب
