عروكي و ثبتوا رجولتهم القوية
اتاريهم ميعرفوش اللي فيها
نسيوا إنك الام المصرية
اللي مفيش ابدا زييها
الرجولة اتدفنت لما اتعريتي
الله يجازي اللي آذوكي
انتي بالشرف و الكرامة اتزفيتي
لما كل الناس شافوكي
على الرجولة و الشرف حداد
العلم أهو بقى يتنكس
ياعيني على مصر ام البلاد
بقيت بدموع الحرن بتتنفس
حلاوتك اتمررت ف بقي
عروكي ناس مالهموش قيمة
حقك يا وطن هو حقي
انت مكانتك فوق عظيمة
اتعريتي يا مصر و بقيتي حزينة
اتجرحتي اندبحتي نفسك اتكسرت
اولادك عليكي مش أمينة
عذبوكي و سابوكي وروحي انفطرت
يا وطن اخرتها معاك ايه
رجالتك ماتوا ف الحرب
بقينا نسأل ازاي وليه
سلوكنا إرهاب عنف ضرب
امتى يا وطن ترجع لينا
نفسنا تعود من تاني
وازاي و الكره كله مالينا
ف مجتمع كله اناني
وطننا مسيره يوم هيعود
لو احنا اللي رجعناه
لما متبقاش لمحبتنا حدود
هنرجع زي زمان وياه
كلمات : اغابي عاطف
![المنيا](https://www.ahram-canada.com/wp-content/uploads/2016/05/111-4.jpg)
سعاد ثابت الشهيرة بسيدة الكرم والأنبا مكاريوس