جريدة الأهرام الجديد الكندية 
مقالات مشابهة
مينا ومحمد اخوات
واللى يفرقهم دة مين ؟!
يامصريين .. احنا عاوزين
نعلق فى كنيستنا ايقونة
فيها وحدتنا ومحبتنا ..
وفيها شيخنا بيحضن ابونا
هو الفرق بيننا ايه !
واحد بيصلى ابانا الذى
وبينور ف الدير شمعة
والتانى بيقول الله واكبر
وبيصلى كذا ركعة !
فاكرين زمان ..
كنا بنسمعكوا فى القرآن
وكنتوا بتسمعونا فى الترانيم
وتباركولنا فى القيامة والميلاد
ونقولكوا رمضان كريم !
فاكرين ثورة 19 ؟
طب فاكرين الوحدة الوطنية
ليه ايدك متتمدش ليا
ليه متجيبش ايدك فى ايديا
دة اللى ملهوش خير ف اخوه
ملهوش خير ف البلد ديه
دة ساعتها هنقول مفيش
فرق بين الاسلام والمسيحية
وكفاية بقى سب
للمصحف والانجيل
مش هنستحمل ذنب
واحد بالفخر قتيل
امتى هتفهموا اننا واحد
مش هنعيد مفيناش حيل !
مينا ومحمد اخوات
ومحدش ع التانى غريب
نسر العلم يسبح بين افراحه
لو نور الهلال مش هيغيب
نسر العلم لو فرد جناحه
هيبقى اجمل صليب !
كلمات :ديفيد منيب
