فاكسات مهاجر يرسلها: مدحت عويضة
14 أبريل، 2016 مقالات واراء
السيسي
خليك فاكر الشعب إللي غنى يا حبيب الكل يا ناصر
… هو إللي هتف أ..ه أ..ه لا تتنحي.
وزير الخارجية
إحنا ليه نطلع خرايط وتاريخ الجزيرتان علشان
نثبت لو كانوا سعوديتان أم مصريتان طيب نعمل ليهم اختبار دي إن أه ونخلص.
الإعلام المصري
كل اللى منكم كان يبكي علي بيع سيناء
هلل لبيع الجزيرتان وإللي سكت علي بيع سيناء
هو اللي بيبكي عل بيع الجزيرتان حقا إعلام وطني.
البشير
لم شوية دنانير وخلص موضوع حلايب وشلاتين
لو فلسان وحالك حال جارك تخرس للأبد يا زول.
مصطفي بكري
قولت للناس إللي زعلانة من قطع الكهرباء طه حسين
كان بيزاكر علي لمبة جاز… طه حسين كان أعمي يا كذاب يا بكري.
ثروت الخرباوي
بتقول الأهرام الكندي موقع إخواني وأول من أقام الدنيا علي بيع الجزيرتان…
طيب قولنا هو أخوان مسلمين ولا إخوان مسيحيين. يا راجل عيب عليك ركز شوية.
أحمد موسي
تقول عضو مجلس الشعب اللي مش هيوافق
علي بيع تيران وصنافير هيتعرف بالاسم … لا ده ما بقاش
مجلس شعب لما واحد مخبر زيك يهدد اعضاءه.
مجلس الشعب المصري
الرجال مواقف أما تحافظوا علي دم الناس اللي
ماتت في تيران وصنافير أو توافقوا والشعب
يغني لكل واحد فيكم في دايرته عواد باع أرضه.
ملك السعودية
الإنجليز فضلوا مائة سنة ما قدروش يغيروا مصر انت
فاكر هتقدر علي سعودة مصر بفلوسك ؟؟
إبراهيم باشا
فينك يا باشا يا إللي علمت الوهابيين الأدب تعالي
شوف غطوا تمثالك لما سلمان عدي في الشارع…
القوالب نامت والنصاص قامت وعجبي عليك يا زمن.
مرتضي منصور
يعني بتنفخ عروقك وعضلاتك في كل شئ
إشمعني في موضوع تيران وصنافير
عروقك اختفت وعضلاتك ارتخت يا معلم.
إبراهيم عيسي
وتبقي أنت الصوت المصري المحترم النابع من
ضمير وطني مخلص ولكن ربنا يستر
عليك حاسس أن الدور عليك.
أحمد كريمة
قولت لو منعنا النقاب في المؤسسات الحكومية نمنع المسيحيات من لبس الصليب…
فكرتني بأغنيه شعبيه تحت بيتنا بقال مجنون أقوله
جبنة يقولي زيتون وأنت طلعت زيتون مش كريمة خالص
جريدة الأهرام الجديد الكندية 
