جريدة الأهرام الجديد الكندية 
مقالات مشابهة
فريد جمال يكتب…
ﺍﻟﺠﻮﺍﺯ ﻣﺶ ﺻﻔﻘﺔ “ﺍﻟﻠﻰ ﻣﻌﺎﻩ ﻓﻠﻮﺱ ﺃﻛﺘﺮ ﻫﻮ ﺍﻷﻧﺴﺐ “….ولا مسابقة ملكة جمال ” والبنت الحلوة هي الافضل”
الجواز ﻣﺶ ﻋﺸﺎﻥ ﺗﺠﻴﺒﻰ ﻋﻴﺎﻝ ﻓﺘﻨﺒﺴﻄﻰ
ﺃﻧﻚ ﺃﻡ … و ﻣﺶ ﻋﺸﺎﻥ حضرتك ﺗﻤﺎﺭﺱ ﺍﻟﺠﻨﺲ بصورة حلال …
الجواز ﻣﺶ ﻋﺸﺎﻥ “ﻣﺘﻌﻨﺴﻴﺶ” ﻭ ﻻ ﻋﺸﺎﻥ هي دي الخطوة اللي حضرتك لازم تعملها بعد مابتتخرج و تشتغل بحجة ان “ﺩﻯ ﺳﻨﺔ ﺍﻟﺤﻴﺎﺓ”…
الجواز ﻣﺶ ﻋﺸﺎﻥ ﺗﻬﺮﺑﻰ ﻣﻦ ﺧﻨﻘﺔ ﺑﻴﺖ ﺃﻫﻠﻚ..و ﻣﺶ ﻋﺸﺎﻥ ﻧﻌﻤﻞ ﺣﻔﻠﺔ ﻛﺒﻴﺮﺓ ﻭ ﻧﻠﺒﺲ ﻓﺴﺘﺎﻥ ﻭ ﺑﺪﻟﺔ لون بعض ﻭ ﻧﺘﺼﻮﺭ ﺳﻴﻠﻔﻰ ﻭ ﻧﻨﺒﺴﻂ ﻭ ﻧﺴﺎﻓﺮ …
الجواز ﻣﺶ ﻋﺸﺎﻥ ﺃﻫﺎﻟﻴﻨﺎ ﻳﺘﻄﻤﻨﻮﺍ ﻋﻠﻴﻨﺎ ﻗﺒﻞ ﻣﺎ
ﻳﻤﻮﺗﻮﺍ .. ومش عشان اصحابنا اتجوزوا و احنا لسة..ومش عشان طنط نفسها تفرح بيكي..ولا عشان والدة حضرتك نفسها تشوف عيالك قبل ماتموت
***
اﻟﺠﻮﺍﺯ ﺣﻴﺎﺓ ﻣﺸﺎﺭﻛﺔ…. “اﺗﻨﻴﻦ ﺑﻴﺒﻘﻮﺍ ﻭﺍﺣﺪ”
ﻳﺴﻨﺪﻭﺍ ﺑﻌﺾ ، ﻳﻔﻬﻤﻮﺍ ﺑﻌﺾ ، ﻳﻠﺘﺰﻣﻮﺍ ببعض ﺑﻌﻴﻮﺑﻬﻢ ﻗﺒﻞ ﻣﻤﻴﺰﺍﺗﻬﻢ…ﻗﺒﻮﻝ ﺑﺤﺐ ﻓﻰ ﻛﻞ ﻭﻗﺖ ﻭ ﻷﺧﺮ ﻧﻔﺲ ،
يفرحوا ببعض ف لحظات الضيق…زي مابيفرحوا ببعض ف الاوقات الحلوة و الفرحة
ﻳﺴﺎﻣﺤﻮﺍ ﺑﻌﺾ ﺑﺪﻝ ﺍﻟﻤﺮﺓ ﻣﻠﻴﻮﻥ ﻣﻬﻤﺎ ﻛﺎﻥ ﺍﻟﻐﻠﻂ، ولو سامحوا مليون مرة و غلطوا تاني…يسامحوا مليون و واحد … ﻳﻤﻮﺗﻮﺍ ﻋﺸﺎﻥ ﺑﻌﺾ !!!
الجواز يعني كائن حي هيشاركك كل تفاصيل حياتك الصحيان و الاكل و الفرجة علي الافلام و تشجيع الماتشات و الخروجات و نومة واحد فيكم ف سرير ف مستشفي و قعدة التاني طول الليل علي كرسي جنبه
ﺍﻻﻟﺘﺰﺍﻡ ﺑﺸﺨﺺ ﺍﺧﺮ ﻃﻮﻝ ﺍﻟﻌﻤﺮ
ﻣﺴﺌﻮﻟﻴﺔ ﻭ ﺣﻴﺎﺓ ﻣﺶ ﺳﻬﻠﺔ ﻭ ﻻ ﺑﺴﻴﻄﺔ ..
صعوبة الجواز مش ف فلوس الشقة ولا تجهيزها ولا ف الشبكة ولا المهر ولا ف طقم الجيلي اللي مش عارفين تشتروه
ﺃﻧﻚ تشارك مخلوق ﺣﻴﺎﺗﻪ ﻭ ﻧﻔﺴﻪ وضعفاته و عيوبه…ﻭ ﺗﺴﻤﺤﻠﻪ ﻳﺸﺎﺭﻛﻚ ﺑﻜﻞ ﺍﻟﻠﻰ ﻓﻴﻚ دا برضو بدون اي تزوير او تمثيل….هو دا صعوبة الجواز
الجواز “بداية مش نهاية”
الجواز “ﺭﺣﻠﺔ…ﺑﺘﺒﺪﺃ ﻭ ﻣﺒﺘﺨﻠﺼﺶ”
#الجواز_رحلة_مش_خطوة
#لو_ماعشقتوش_للدرجة_دي_ماتجوزوش
