جريدة الأهرام الجديد الكندية 
مقالات مشابهة
بقلم / نادى حنا
الست ام ترتر ماشية كالعاده بتشتم شوية هواء علشان بتتخنق كتير من الأخبار وهى مهمومة بمصر المحروسة
لقيت واحد من المسؤلين بيتكلم ، قالت برضه مفيش فايده اقعد اسمع والمسئولين بتوعنا بيطلعوا حكم من حنكهم ابو سنان بيضاء ،قام المسئول قال عندنا 180 الف حالة طلاق سنة
الست ام ترتر لطمت على خدها وقالت يالهوى
طيب يبقى كأم طفل اتشردوا
يبقى كأم قنبلة موقوتة فى الشارع
وراحت ماسكة التليفون واتصلت بالمسئول
وقالتله
لو فيها اساءة ادب منى ياخوية
طيب والأطفال الغلابة ولاد الناس اللى بتطلق دى ياخوية بتعملوا فيهم ايه
قام المسؤل ضحك وقال
يعنى ياستى ام ترتر
من وسط الأزواج دى كلها تقوم الأطفال دى متتولدش الا من اللى هيتطقوا دول
هم يتحملوا نتيجة الإختيار بتاعهم ياستى واحنا ادينه بنعملهم كبارى علشان يلاقوا مأوى
واكيد اكيد هنشترى شحنة عقارب وتعابين من الصين قريبا
قامت الست أم ترتر قالتله ربنا يقويكم ياخوية وتستروهم أنا عارفه انتوا بتتعبوا كتير علشان الغلابة دول
