فاكسات مهاجر يرسلها : مدحت عويضة .

مقالات مشابهة

الرئيس السيسي : مصر تحتاج من تريليون دولار إلى اثنين مصروفات سنوية

‏13 ساعة مضت

الرئيس السيسي يوجه بربط المشروعات التنموية بجهود الحكومة لتيسير حياة المواطنين

10 نوفمبر، 2024

إنشاء منطقة صناعية لدول “بريكس” في مصر

24 أكتوبر، 2024

السيسي

قضايا ازدراء الأديان شكلها تخليني أبطل فاسكات الحب والغرام معاك وابتدئ فاكسات مبارك، “نفخ يعني”. 

الرئيس بشار الأسد

وقف إطلاق النار هو انتصار لك ولإرادتك الصلبة ألف مبروك لسوريا والف مبروك للسوريين وأسدهم.

مصطفي بكري

عكاشة بيقول أنك أخدت فلوس من قذاف الدم … خايب يا عكاشة ده أول من قبض من موزا ومن صدام والبشير ومن عم محمد بياع البطاطا إللي في حارتكم 

القضاء المصري

الحكم بحبس أربعة اطفال شوه سمعة البلد وخلي وشنا في الأرض قدام العالم روحوا منكم لله. 

مجلس الشعب المصري

هو مجلسنا الموقر سيد قرارة ولا راكب حمارة عايز أعرف علشان أوصي علي برسيم للحمار الغلبان. 

مجدي عبد الغفار

أليس من العاران يقتل أبنائنا بيد داعش ويلفق ضباطك قضية لمن يسخر من داعش.

أطفال المنيا

30 ثانية فيديو تريقة علي داعش… أدت لمجموع أعوام عشرين سنة الثانية بتسع شهور والحسابة بتحسب.

أوباما

بيقولوا كل ما حد بيجيب سيرة بوتين قدامك. تحط إيدك علي قفاك وتقول معلم إبن ال…. . 

دونالد ترامب

هو يعني لا اوباما و هيلاري إللي باعونا للإرهابيين لا ترامب العنصري هو اللون الرمادي أختفي من أمريكا خالص. 

توفيق عكاشة

اسقطوا عضويتك غلقوا لك القناة… يا حبيبي ده طول عمر مصير إللي بيتشغل مع المخابرات تخلص المهمة صفيحة الزبالة تستناه. 

وزير التعليم

في عهد المجلس العسكري كان رفض المحافظ المسيحي، أما في عهدك الممنون في فالطالبات والطلبة أصبح ليهم الحق في رفض مدير مسيحي شكلها بقت وزارة التربية وال…….. 

أحمد عز

الرئيس يطالبنا نصبح علي مصر بجنية!! لكن حضرتك المحكمة صبحت عليك ب 90 مليون جنية لما خفضت الغرامة من 100 ل 10 مليون.

اليوم السابع

الصحفية بتاعتكم في حفل لأوسكار شكلها أتعلمت الإنجليزي من الست إللي كانت دايما تبعت لأوباوما وتقوله شت يو موس أباما.