جريدة الأهرام الجديد الكندية 
مقالات مشابهة
أكد المغترب المصرى بالسعودية رشدى يوسف بأنه يمتلك مشروع يستطيع توفير 50 مليار دولار لمصر ومسمي المشروع ( قرض حسن من العاملين بالخارج ).
بنود المشروع تتلخص فى السماح للمغتربين بدخول سيارة بدون جمارك علي النحو التالي :
1- فترة إقامة 10 سنوات (العمل عشر سنوات ) ممكن تقل حسب رغبة الدولة تبقي 1—10
2- رفع الحظر علي السي سي والسماح ب3 سنوات من سنة الموديل قابلة للنقاش.
3- تحويل المغترب مبلغ 10000 دولار لوزارة المالية كوديعة بدون فوائد لمدة 5 سنوات .
صفحة تهتم بمشاكل المصريين بالسعودية والكويت والخليج اشترك بها
4- عمل حظر بيع للسيارة لمدة فترة الوديعة 5سنوات سيخرج من يقول ان وكلاء السيارات في مصر يخسروا هاقول لهم كل سيارة تنزل مصر لها وكيل بمصر تقوم الدولة بتعويضه برسوم معينة (مكسب السيارة) من الوديعة الدولارية بالجنية المصري مقابل ان يقوم الوكيل بصيانة السيارة المستوردة ، يجب الاخذ في الاعتبار ان رفع الحظر يفيد بالاتي
لوعندنا 5 مليون مغترب سيستفيدوا من هذه الفكرة*10000 دولار أى أننا نستطيع تجميع مبلغ 50 مليار دولار بجانب توفير العملة الصعبة للبلد وكذلك عدم تحويل العملة الدولارية خارج مصر مقابل السيارات المستوردة من الوكلاء.
رفع الحظر علي السي سي سيدخل رسوم ضرائب أعلي للدولة .
كل المغتربين ليس لهم اي مميزات من مصر او منح تجعلهم يسعون الى تغيير داخل البنوك المصرية ولن يقوموا بهذا الأمر لأن الفارق الكبير بين البنك والسوق السوداء .
وزيرة الهجرة ليس لها اي نشاط يذكر ولا ابتكارات بالرغم من أننى قمت بإرسال هذا المشروع لها ولرئاسة الجمهورية ، المثل بيقول خد وهات ولازم الكل يستفيد وكثير من الدول تعفي المغتربين من رسوم الجمارك ، تحويلات العاملين تمثل 18 مليار دولار يستفيد بها السوق السوداء وتمثل ضغط علي البنوك المحلية لتوفير العملة وتشعل السوق السوداء، اخص العاملين بالخليج دون العاملين بأوربا او امريكا تحويلات العاملين بالخليج المنظورة 80% من قيمة التحويلات مع الأخذ في عمالة لاتتعامل مع البنوك وتعطي كل تحويلاتها للسماسرة وكذلك مناولة مع اقاربهم وقت اجازتهم حيث ان القانون علي سبيل الحصر يسمح لك بأخذ 60000 ريال معك في السفر يعني حوالي 16000دولار.
اما العاملين في دول أوربا لا يقوموا بتحويل دولارات مثل الخليجيين حيث يسمح لهم النظام في هذه الدول بإستثمار مدخراتهم وعمل مشاريع اما في دول الخليج لا يسمح وبالتالي حجم تحويلاتهم كبيرة جدا بالنسبة للمقارنة مع العاملين بأوربا .
الدولة عاجزة عن تقديم اي حوافز للعاملين بالخارج وللاسف التكرار مأساة مصر وليس الابتكار عندنا مشكلة كبيرة والحل في ايدينا لازم المغترب يستفيد والبلد تستفيد لكن للاسف كل الحلول المقدمة من وزارة الهجرة لصالح البلد لاتنظر للمغترب وتعبه في الغربة وأتذكر مشروع الأراضي وقتها الأسعار كانت نار ولم يقبل عليه أحد من المغتربين بالخليج
والمشروع قابل للنقاش والتطوير لحل مشكلة العملة وننقذ بلدنا ام الدنيا مصر لأن الاوضاع اصبحت صعبة جدا في كل الدول والحرب قادمة بالمنطقة .
ونحن ننشر المشروع من منطلق تبادل الآراء للخروج من الأزمة الحالية قد نختلف فى بند أو نتفق ولكن ها هو المشروع مطروح للمسئولين عن الدولة
للأشتراك فى الصفحة الرسمية لحملة حقى سيارة بدون جمارك أوضرائب أضغط هنا
انا عندي مشروع لمصر كلها وهو الجمارك 5 في المية علي أي نوع سيارة وضعاف قناة السويس تبقي مناطق للتجارة الناس تستورد كل حاجة من الخارج وتتباع وتتشحن الي كل دول العالم فتح الباب لأفريقيا للشراء وروسيا وكدا مصر تبقي تجارية عالمية ثانيا أننا نفتح الباب التعاملات السرية في تحويل الأموال مثل سويسرا والسماح للمستثمر لإنشاء مصانع للإنتاج وعدم القيود علي تحويل العملات أو جلب العملات من الخارج ثالث حل أننا نجيب مصانع السيارات عندنا وتصدير السيارات للدول الاخري تحرير مصر من الجمارك دا هايعمل حجات كثير الدولة بتاخد كثير ومافيش فايدة الحرامية أكثر من الدخل
احسنت هذا افضل نفس دول الخليج
يعني لما تنزل خمسة مليون عربية على الطرق إلى هيا مش مستوعبة العربيات الموجودة فى البلد اصلا يبقى احنا بنحل مشكلة بمشكلة أكبر بس تشكر على محاولة الحل
نقطه مهمه ولكن اكيد لها حل لو فتحت باب الاقتراحات هتلاقي حلول جباره اكيد السيارات القديمه الناس هتبدل بجديد لانه هيكون الاسعار حلوه
وبعدين هما فين الخمسة مليون مغترب
هو بيحسب العامل واولاده
ولا كل العمال معاهم 10000 دولار
دا معظم المغتربين مش لاقيين ياكلوا
وفيه الكتير منهم مقضيها سلف
يعنى هو المغترب لما ينزل مش هيشترى سياره من داخل البلد !!!
المشكله تكمن فى الضوابط والرقابه عشان ميتحولش الموضوع لسبوبه ولكن إجمالا فكره محترمه
المشروع جيد ولكنني أود أن أضيف بعض التعديل وهو حق المغترب من خمس سنوات وأكثر في إدخال سيارة بدون جمارك وفي المقابل يقوم صاحب السيارة بتحرير وديعة دولارية بدون أرباح لمدة 5سنوات وتكون كالآتي السيارات حتى 1600CC يوضع مقابلها وديعة بعشرة آلاف دولار.. والسيارات أكثر من 1600CC توضع وديعة بمبلغ 20000دولار لمدة 5 سنوات دون فوائد وفي هذه الحالة سيكون لدينا في الاحتياطي النقدي مبلغ أكبر من 50 مليار دولار. وسوف يشهد الدولار سعر صرف مستقر يتيح للمستثمرين بالخول إلى مصر دون تردد أو قلق. وتحيا مصر.
يا عم سيب المغتربين في حالهم
أنتم مش عارفين إن المغتربين نور عنينا ولا أية , يا عم أبوس أيدك أنتة وهوة وهوة سيبونا فى حالنا.
انت راجل فاشل ذي دولتك لو ان الدولة تبحث في حلول تنعش اقتصادها من دم المصريين بالخارج اللي طافحين الدم و ده عشان يجيبوا موكيت و سجاد يمشوا بسياراتهم عليه …. مفيش غير المصريين بالخارج ………….. يا عم شوفوا لكم نيله تشيلكوا و لو انتوا مش قد مسئوليه ادارة البلاد و تحقيق الرخاء لشعبها فيجب عليكم ان ترحلوا ……….. طالما انك مش راجل يبقي تسيب الحكم و ترحل و تسيب واحد راجل ابن راجل يظبط البلد ………….. حسبي الله و نعم الوكيل
والله صاحب المشرع ده حسسني بالعجز يعني ايه 10000دولار؟ يعني 90 الف جنيه تسيبهم حضرتك كده 5 سنين متقربلهمش؟ يا عم الله يرضى عليك سيبنا في حالنا وعلى اساس انك هتجيب المبلغ ده في كام سنه وكمان انت ناسي انك عيزلك بالميت 60 الف ريال ثمن العربيه نفسها؟ يا عم انت فاكرنا بنشتغل حراميه ولا ايه علشان يكون معانا الفلوس دي كلها. تقبل احترامي
النظام الشعبي……حل شامل……محتاجين منظومة كاملة سليمة……الترقيع مش ح ينفع…….والحكام همهم الأول السرقة والمصلحة الشخصية فقط لا غير
كل 50 ينتخبوا 3
ثم كل 10 مجموعات…3*10=30 ينتخبوا 3
وهكذا
علي 7 مستويات يكون عندنا رئيس ومجلس رئاسي 30
ويمكننا سحب الثقة من أي مستوي أعلي في أي وقت
وشنا في وش بعض…..من غير تزوير…..ومن غير براشوتات تنزل علي الكراسي من فوق
عايزين مشروعات انتاجية ومحاسبة وشفافية نعرف الأول الفلوس إللى جت من دول الخليج وهى على فكرة ديون فى رقابنا ورقاب أبنائنا يعنى نقفل حنفية الفساد وبعدين نحول من الخارج… ياترى أخبار هشام جنينة آيه ؟
طيب تعليق بسيط وغير معقد
كل واحد مغترب يدفع 100دولار شهريا فى صندوق تحيا مصر
100دولار فى 5000000مليون
تساوى 500000000دولار شهريا
500000000دولار فى 12شهر
تساوى 6000000000مليار فى السنة
6000000000فى 10سنوات
تساوى 600000000000مليار دولار
اخي انتا متوقع زالك مثلا ال شغالين في الخليج 75 % عمال يدوب الراتب يعيشه وعيش اهله في الايام السوده لاتنظر في نفسك ولا في الاقله ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟