جريدة الأهرام الجديد الكندية مقالات مشابهة
1_
الحلم كان بيضحك من الألم
و الشوق فى قلبى قايد
لما شفت ف عينى حالك
اتقابلنا واشتكينا من الليالى والاماكن
رميت سلامى وقولت ليكى:
اوعدينى متكنويش جوياى ذكرى
رحت ابتسمتى بالعيون وبالشفايف
وعديت مابين الكحلة اللى ف عينيك والسحاب
عصفور كان تايه وعاد
يهون عليكى الشجر يموت م الانتظار
والنخيل يطرح ألم
كل مرة ادق بابك.انا.
تقفلى قلبك وشباكك
تهربى منى فى ثوانى
وافتكر بكرة اللى راح من غير وداع
يرضى مين اموت غريب من غير حبايب
مشتاق لحضنك ولدمعة متكحلة تزور شهيدك
مشتاق لواد حليوة اسمر شوفته مرة بين جفونك
فرحت بيكى وبالجرأة اللى فى عيونك
افرحى طول ما انتى جنبى
كل مرة ادق بابك تقفلى قلبك وشباكك
يهون عليكى الورد يدبل وانتى المطر والخير
ارضى ارضك نيلى نيلك
مهو قلبى قلبك اسأليه:
كل همسة جوة قلبى هى صوتك
بس اه واه من دلالك
غبتى فجأة عنى لحظة
وكنت خايف عليكى من الطريق ومن الليالى
الذنب مش دنبك ولا حتى دنبى
اكون اسير لحبك
او غريب فى ارضك
ارض واسعة.. واتشطب فى كل صفحة من كتابك
2
نظرة من عنيكى
اوحتى بسمة من شفايفك كل حاجة
لوحتى تبعد يا حبيبى او تنسى حبى
عينك سماى ممكن تكفى
.شهريار: والله حبك عليا زاد
والبحر هادى
وعالى ساعات
مهما ابعد احاول انسى…
يندهنى موجك اعوم فى بحرك…
احب اغرق..
موجك فى قلبى
وقلبى شطك..
زورى قلبى..
بخرى حزنى بشذاكى
وافردى شراعى بهواكى.
شهزاد: يا ريت تكون حبيبى…
ده الطريق بيشاور عليك..
شهريار:الوحدة صعبة
والغريب والعجيب فى الدنيا ديا…
كل واحد فينا جواه حبيبه
واللى يبعد بينهم قال:حبيب!
شهرزاد: خلى بالك م الحكاوى
والحديت
ده انا قلبى اصغر من الالم…
شهريار: حلمك عليا….
ده اللى بيا كتير عليكى… وكتير عليا
ارجوكى حبى حلمك…
شهرزاد: قرب بروحك شوية
ده كل حاجة فيا….
عاوزة تشرب م المحيط
شهريار:جوياى غنوة…
عاشقة صوتك…
عاشقة ريحتك..
شهزاد: اخاف عليك من الذكريات
اكيد حتوجع..
وانا ما يرضنيش…
اعيش وحد غيرى مش سعيد..!!
_3
2
كلنا وشربنا وكمان ضحكنا
كل حاجة ليها طعم كل حاجة ليها ريحة
خدتى بالك؟!
-ايوة انا خدت بالى
….المغرب ادن
وكل عيون الناس فرحانة
خدتى بالك؟!
-ايوة خدت بالى
انا فرحان وياكى
ومش عارف احزانى راحت على فين؟!
-الطريق اللى يودى
ايام وايام وان زعلان..
وبحلم حلم طويل وممل
-فتاح يا عليم رزاق يا كريم
كتر خير المخدة والسرير
صاحى نايم نفس الحلم
كتر خيرك يا مرايتى متحملة حزنى
انا مش متحمل بصة…
عاوز ارجع لملامحى
صافى مصفى
زى النخل
اللى كان طارح فى جنينتى
4
-اللى قدامك ما يفوتك
واللى وراك ما يجيبك
دعوة امك يمكن تتحقق
لكن لو وصل النور لقليبك
-حبا حبا واللى ييجى قدام
حبا حبا واللى ييجى قدام
خطيت العتبة وجيتلك طاير
دلوقتى احلامى بقى فيها عيال
وفيها النور داير ما يدور حوالين..
عيينك لما تهلى..
وانا بتكحل من نظرة عينك
وانا بتشكل جواكى جنين
يكبر حضنك ارجع عيل
ويمكن اصغر
وكواكب يوسف طالعين فى سماكى
ساجدين شاهدين على حبك وجمالك
يا جمالك لما ياروحى تفيضى فى قلبى
ويضوى حبك فى عيونى…
يا دلالك لما يا بت تحنى عليا بضحكة
وترمى شباكك على قلبى وانا مستسلم
-خلى بالك كل كلامك حلو
وبينمل فى وريدى
ابوس خدودك وابوس البسمة الطايرة_
عليها فى الحال
-انت شاعر؟!
مش حخبى حبى ليكى
ومش حهيم اللا فى واديكى
حبى ليكى كل صبح
وكل ليل لو انتى جنبى
اوبعيدة
-نام فى حضنى بس حضنى
اوعاك تباعد بين قلبك وقلبى
مستحيل وده يرضى مين؟
تكونى او اكون بس غنوة
5
غلاوتك عندى بالدنيا
ونون النسمة فى قليبى
ونون النسوة اللى بتفرق
ويا غلبى ويا صدك..
ما انا راجع للحزن من بعدك
خلاص قلبى اتملى بالشوق
ولا كانى ولا مانى
ولا كان الامل خوان
تبوح بالشوق وتنسانى
تبوح مرة وتوعدنى تقول كلمة
وترجع فيها من تانى…
مادام عارف ان السما حدودى
اقول الحق ولا خايف
ولوكان على نفسى…
ومش قاصد اكون مذنب
ما انا عاشق سما عنيكى
مانا شايل قناديلك……
بلاش تقسىى..وخليكى..
نسمة تبردى قليبى…
بلاد العشق ياطيبة …
مهوش عيبة اكون مشتاق ليلاكى
وتكونى فى السما كروان
وفى القران وفى الانجبيل وفى التوراة
اهبطوا مصر لكم فيها ما سألتم…
4_
ومرة والله مرة فرقة الاحباب
لاعاش ولا كان……….
اللى يفرق ما بين اتنين..
جمعهم رب عظيم منان..
يقوم يرجع حزين مكسور بلا اشواق
ويفضل القمر على الباب
ويستنى ترضى وتحنى
يصون الحب والاشواق
ولا يندم على حبه..
مادام عالى فى السما نجمة
يبات يحلم
بهمسة امل فرحان
.ولو عليت بنا الامواج
ع الشط مستنى بالاشواق
ونور تسرح فى احلامها
وتتمايل على المية قمر ونسان
ولو طالت لياليكى,,,
لانور فى السما شموعك
واحضن تراب نيلك
واصلى على النبى واسجد
…………………………………………………………………….
(قد خاب عبد لا يصلى على النبى..
..جابر ابو حسين
رفع السموات بلا عمد
ادينى على غدر الزمان صابر
ولى رب حى حنان قادر
يا ويح قلبى لما جرى
امنت لك يا زمان ورجعت خنتنى
اتاريك يا امل كداب
اشكو الى من رفع السماء بلا عمد
انى على مايحكم به صابر
والله ان رجعت الدنيا بالفرح والهنا
لأركب على المهرة …
واخلى بنات الحور ترخى شعورها………………………………………….(_تراث ) جابر ابوحسين سيرة هلالية
اتاريه الوطن غالى
6_
ولا عمرى اطول من عمرك ولا حاجة
يمكن بس يكون الفرق ساعات او ايام
وجناين نايم فيها الحلم بيحلم
على راحته على كيفه
مش عاوز حد يصحية
ولا عاوز حد يلومه
ده كفاية عليه هلال القمرة
يتنونس بيه وبيضحك
ولا عمرى ولا عمرك حيكفوا احلامنا كتير
مش بس البحر بيضحك فى بلدنا
دى نجوم السما فرحانة وبترقص
وانا حلمى
جميل
واصيل
ولاعمره حيخلص
7_
وحدك لساك واحزانك اكبر من عمرك
مع ان الضحكة تتشاقى فى عنيكى
وتتمايل على صفحة نيلك
وتغازل اوتار فنان عشمان يسمع صوتك
نسى روحه على ضفافك
وكانت توحشه السما والليل فى واديك
ما نجمك فى السما عالى
وسارح
يسمعك كروان فى الفضا بيحبى
ويحن من تان
