جريدة الأهرام الجديد الكندية مقالات مشابهة
-لية امورنا ملخبطة؟/ ومفيش حل معقول/ كل قرارتنا مشلفطة
-ولا تحس بأي مسئول/ يا نمشى كلنا عشوائي/ والكبير فينا دلدول
-وفكرنا لسه بدائى/ وماشيين عكس على طول/ قطر الحكومة فى اتجاة
-والشعب واقف ع المزلقان/ لا قادر حتى يركب معاه/ ولا قادر يعدى ف امان
-وناس حاجزة قعدة جواة/ وناس ع الرصيف من زمان/ وناس متعرفش الاه
-وناس غرقانة للودان/ الرئيس بتاعنا انسان آمين/ عايز يحقق لينا المحال
-لما يقول نمشى يمين/ الحكومة تمشى ع الشمال/ والشعب محتار بين البنين
-يصدقوا اى كلام يتقال/ يجى الميعاد يقولوا اسفين/ يطلع الكلام كلام عيال
*************
باب السكوت بيكش
****************
-باب السكوت بيكش/ كل شوية يحجبوة/ كأن كلامنا مش
-وكلامهم هما جاتوة/ شباك مفتوح للحرية/ وباب مميز للجورنان
-بتكتبة مواهب مصرية/ من مطروح لأسوان/ فية اشعار ومقالات
-وكشف حقايق وحلول/ ونقد لبعض السلبيات/ وشكر لأستجابة مسئول
-باب السكوت ممنوع/ يستحق الاحترام والتقدير
– مش عشان اى موضوع/ يرفعة رئيس التحرير
**************
