جريدة الأهرام الجديد الكندية مقالات مشابهة
أجري بسرعة ياأيام
وهاتي أمنيات الاحلام
تعبنا ألم
وعجز القلم
عن وصف الألم
حرب ودم
دمار في دمار
ناس سابت بيوتها
وناس بعدت عن ولادها
ايامك كانت دموع
من فضلك أجري قوام
وهاتي الحب والسلام
هاتي الخير لكل البلاد
وجمّعي كل الأحبة بدون بعاد
وحوشي من عنينا الدموع
اشفي كل قلب موجوع
ويبقي ألمك من غير رجوع
امشي بقي يا ديسمبر
وتعال يا يناير
وانت مالي القلوب بضي ناير
نسّينا أيام التعب والألام
وهات أيام كلها حب وسلام
يلا صفي دموعك أخر العام
علشان بسرعة تيجي أيام
صافيه من الدموع
وكل اللي فيها حب واحلام
تتلمّ القلوب وتتجانس
وكلنا جوه بعض نتأنس
إيد ماسكة في الإيد
وقلب جوه قلب جديد
وتعيش القلوب في أجمل عيد
تعيش في سنة جديدة
بقلوب دايما سعيدة
بقلم : نشــأت عــدلي
