جريدة الأهرام الجديد الكندية 
مقالات مشابهة
بقلم : محمد نوبى
مؤسسة دار الشمس المشرقة بالأقصرمؤسسه تعنى بالأيتام . مسجله ومشهره . أسستها سيده إنجليزيه فى البدايه واشتغلت بسيستم كويس جدا والاطفال فعلا كانوا بيتم متابعتهم فى نشاطات ومستويات تعليم و ( سلوك ) كمان .. فيما بعد الاداره الانجليزيه اصبحت بتدير شكليا من لندن بس بتبعت ( منح ) لاداره الدار .. لكن الاداره الفعليه اصبحت من المصريين
حصلت اختلافات كتير فيما ما بعد بين الاداره الانجليزيه والمصريه فى امور اغلبها مادى . ده غير انخفاض مستوى الاطفال فعليا فى الدراسه وعدم متابعتهم من قبل اخصائيين نفسيين قادرين على التعامل مع مستويات الغضب المختلفه داخل هؤلاء الأطفال فضلا عن عدم متابعته سلوكهم الاخلاقى خصوصا للمستويات الصغيره .. كل ما سبق انا تاكدت منه اثناء تدخلى فى محضر تحقيقات من اطفال داخل الدار بشأن معاملتهم بطريقه ….. وكذلك من زيارتى للدار ومصاحبتى لاكثر من طفل منه ومقابلتى مع كل العاملين ومدير الدار
فى هذا الوقت كان يرأس مجلس الاداره للدار احد العسكريين السابقين والمسؤل الحالى النافذ فى ديوان المحافظه .. صارحته بصوره خطاب من اداره لندن وشكوتهم من الاداره المصريه فى …… ( معلش مش هذكر معلومات احتراما لخصوصيات الاطفال ولانه مش موضوعنا ) . قال لى ان الامور مش زى ما انت فاكر وان اداره لندن مش بتغطى كل المصاريف . بلغته بمطالب الاطفال ورجائى الشخصى فى توفير اكثر من اخصائى نفسى مدرب متعلم لاحتواء شحنات الغضب غير الطبيعيه داخل جميع اللى قابلتهم . تعلل مره تانى بالاعتمادات الماديه وطلب منى انى اكون عضو فى مجلس الاداره علشات اتاكد . رفضت ورجعت كررت مطلبى مع التشديد فى اهميته وعدم اخذه كبند مالى يحتاج لتمويل فقط . اخذته توقيعه على اقرار بمسئوليته المدنيه والجنائيه عن اى … وكل …. يحدث للاطفال محل رعايه الدار وارفقناه على ذمه المحضر
قابلت مؤخرا احد العاملين وطفل منهم والاتنين بلغونى باستقاله رئيس مجلس الاداره من فتره وتولى مدير جديد وحاليا اداره لندن مش هتبعت اى منح ابتداء من العام الجديد . الخوف مش بس من عدم وجود تغطيه ماليه ليهم لانه اغلب الظن وزاره التضامن الاجتماعى هتتولاهم. لكن الاطفال نفسهم مش عاوزين يتم اضافتهم للوزاره لتميز مستواهم الحالى نوعا ولخوفهم برضه من اداره حكوميه مش زى اداره لندن اللى كانوا ممكن بيتواصلوا معاهم وبيبلغوهم بسلبيات بيتم التعامل معها فورا . فرجاء اللى يعرف يتصرف او يتدخل او يتبرع او يتابع من الصحفيين الموقف الحالى والمستحدات
