جريدة الأهرام الجديد الكندية 
مقالات مشابهة
ألبوم من الذكريات ، أقلب صفحاته وأراه بقلبى لا بعينى ، فيرتوى ويلتاع إشتياقا للأصدقاء ، أترحم وأشتاق على من إنسحب من هذه الغابة ، وأتلهّف للقاء الأخر . أحبال المحبة الحقيقية قوية ، لا تهتز ولاترتعش ، بل تصبح سيوف أمام كل محاولة تجعلها خيوط هشه ، كثيرا ما ألجأ إليه وأعيش فى ذكرياته هربا من الواقع الأليم من الغش والخداع والتزييف الذى فُرض علينا .
__________________
أحمد ومرقس مع بعض عايشين
حب منحوت فى القلوب من سنين
بيوتنا جوه بعض ومعانا ساكنين
على طبلية واحده واكلين
وعلى حصيرة واحده نايمين
مدرسة واحدة رايحين
على درج واحد قاعدين مع بعض خارجين وداخلين
الأيد فى الأيد ماسكين
عشان إحنا واحد مش اتنين
فى يوم النكسة شلنا الطين
فتحنا صدورنا إحنا الاتنين
ويوم النصر كنا طايرين
قلوبنا ملصوقة بالحب ، بالحنين
مشاعر غرقانه فى الحنين
إحساس عالى كله حب وحنين
دايما بنعيّد مع بعض إحنا الإتنين
دلونى ياعالم كل ده راح فين
عايز ابكى واصرخ بدمع العين
رجعّوا يوم دافى لقلبى الحزين
زى الرحم وهو بيحضن الجنين
زى الهمسة الدافية بين الحبيبين
زى حضن الأم الحنون للبنين
أاااااااااااااااااااااااااااااااااااااه
اه لو تعود يازمن بالسنين
اه لو ترجع أيام ألبومى الأمين
اه يااحمد دا حلمنا إحنا الاتنين
ممكن يفرقنا فكر المتطرفين !!؟
دموعى سبقت كلامى زى العاشقين
لما قلبى دق لحّن يمكن راجعين
مش عايزه يبقى لحن حزين
لكن يبقى حلم الملايين
الأقباط والمسلمين
تفتكروا ممكن يفرقنا الدين
أبعدوا ياصحابى عن الملوثين
خلينا من فرحة الود طايرين
خلى ولادنا مع بعض عايشين
عشان إحنا كلنا مصريين
ياترى هل أنا من الحالمين ؟؟!!
بقلم : نشأت عدلى
