جريدة الأهرام الجديد الكندية 
مقالات مشابهة
الأهرام الكندى
قام مجموعه من أسر الحجاج المفقودين والنشطاء بتدشين ما يعرف بهاشتاج حقوق حجاج منى من إجل المطالبة بالحقوق المادية للحجاج المفقودين من أجل الأنفاق على اسرهم حيث قال محمد حامد الشتيوى أحد النشطاء قائلا
ماذا سنفعل بعد موت ابي …..
عارف ان كل الناس من قلبها هتقول ليهم ربنا … ونعم بالله بعرف ومؤمن بدا جدا …. بس من الناحيه العمليه
حد يقولي الحاج المصري اللي قرر يأدي الفريضه …. وقال فرصه والولاد لسه صغيرين…. ومصاريفهم لسه مش كتير….والحمد لله جمع له قرشين … وسافر يحج وللاسف مرجعش …. حد يقولي مين هيصرف علي بناته مين هيعلمهم مين هيجوزهم ….ولا حد يقولي الحاج الجزائري اللي سافر هو ومراته مع بعض والاثنين مرجعوش … مين هيصرف علي ولادهم …. مين هيربيهم ومنين…. ولا حد يقولي العجوز من بنجلادش اللي قعد يجمع فلوس ممكن 10 سنين من عمره عشان يحج … وللاسف راح ومرجعش ….مين هيعوض اهله …. ولا الاولاد اللي ماتوا قدام عنين اهاليهم ….. ولا الزوجة اللي فارقت زوجها ….. علي فكرة فيه بيوت كان دخلها كله معتمد علي أب مات في مني أو ام ماتت في مني …. مين للبيوت دي بعد كدا … كلها يومين والموضوع ينتهي والحكومه تقفل اوراقها …. وكله هينسي … علشان كدا …. لازم نطالب بالتعويضات لاسر الاهالي والمفقودين …. لازم تطبق غرامات علي شركات السياحه … اللي حتي مفكرتش تدور علي مفقوديها …
صدقوني قبل ما الموضوع يتقفل …. لازم نجبرهم يفضل مفتوح ….. مش عشان الحجاج اللي ماتت … دول خلاص فازو ورب الكعبه …. بس عشان اطفالهم … علشان بناتهم …. علشان تعليم ولادهم
انا بتكلم ومش عاوز حد يزايد عليا ويقولي هو دا وقته …. ايوه وقته صدقوني … قبل ما يقفلوا ملف الحادث ….. صدقوني حياه الارامل صعبه جدا … وحياه اليتم اصعب واصعب …. وصيق الدنيا بعد حسعتها اصعب واصعب واصعب
لمعرفة تفاصيل الحجاج المفقودين والمصابين والمتوفين أضغط هنا
