جريدة الأهرام الجديد الكندية مقالات مشابهة
بقلم : أحمد بدوى الدسوقى
صديقى المثقف علاء عبد الهادى طرح مجموعة من الأسئله على مرشحى البرلمان ………….
كام سؤال كدة لمرشحى مجلس النواب بالأقصر
.
– كم قانون قرأت من قوانين الفترة التى خلت من البرلمان و التى ستكون المهمة الاولى للمجلس هى مناقشتها جميعا ؟؟
– كم ورشة عمل شاركت فيها ، كانت تناقش ايا من تلك القوانين ؟؟
– هل تحتفظ بنسخة مطبوعة أو حتى اليكترونية من تلك القوانين ؟؟
وحرصا على مستقبل ابناء الدايره وعدم احراجهم اعترضت على الأسئله التى طرحها الأستاذ علاء…………….
ايه يااستاذ علاء الأسئله الصعبه دى !
شوف سؤال سهل
مثلا :
ماهى وظيفة البرلمانى فى البرلمان بصفته نائب عن الشعب ؟
لأ ده صعب ! سيبك منه
او
ماهي التشريعات التى ستضيفها ولأى فئه سوف تنحاز فى وضع تشريعات جديدة ؟
برضه صعب
ماهوالدور الرقابى الذى تود ان تقوم به فى البرلمان ؟
اعتقد ده سهل مش كده
فكانت الردود كالتالى :-
المرشح الأول
وانا مالى ومال الرقابه هو انا مفتش تموين !!!!!
المرشح الثانى
جاوب برضه وقال هو انا مالى ومال التشريع هو انا دكتور فى القانون !
قلت لهم امال انتم رايحيين تعملوا ايه ؟؟؟؟؟؟؟؟؟؟؟؟؟؟
ردوا على فى نفس واحد احنا رايحيين نخلص مش رايحيين نعطل مصالح الناس
وبعدين الناس انتخبتنا علشان كده هو انت عايز تحرجنا مع الناس اللى ربطنا معاها !!!!!!!!
الكلام بتاعك ده فى الكتب وبس انزل للناس واسألهم ليه انتخبتوا فلان ؟
حيجاوبوا فى نفس واحد :
علشان الراجل ده بيعرف يخلص
وانا وصديقى المثقف جاوبنا فى نفس واحد
الشعب عايزكده الشعب مبسوط كده
