جريدة الأهرام الجديد الكندية 
مقالات مشابهة
جريده الاهرام الكندى
– ليــــــه يـــــاوطــــن؟/ ليــــــه يـــــاوطــــن؟
– لسه واقف فيك المكن / وفيك ناس من غير سكن
– والفساد زاد والشرف اتركن / كل جرد يحصل حريق
– وكل نابغه يعطله تنسيق / وكل فسحه يموت غريق
– وفى المحن متلقيش صديق / كل شبر تلاقى نطاط
– فى عز الفرح نبدأ العياط / وشباب قاعد كله احباط
– وايه ياخد الريح من البلاط / ياوطن بطونك ولاده
– والفساد بينزل مع الولادة / ويكبر ويزيد ويصبح عادة
– وتعــــــــددنا كـــــل يــوم / بــــــــــــــــزيــــــــــــادة
*********************************
أبيض وأحمر
– أبيض وأحمر مشاكلهم كتير / محتار بينهم اتحاد ووزير
– كـــل دوره يعملوا ثـــــــورة / واقفين لبعض ناقر ونقير
– كل رئيس يقـول تصـــريـــح / فيه تحدى وفيه تجريح
– الكـــل غاوى يقــدم شكــاوى / كأننا فى دورى المراجيح
– الأبيض شغــال يمضى عقود / والأحمر فى الصفقات موجود
– واجتماعات سريه وفلوس فوريه/ واللوايح بنود ضد بنود
– الملايين عنــدهم شــوية فكــه / يشتروا لعيب يطلع سكه
– يتخانقــوا عليه ويــدفعــوا فيه / وبعد شويه يقعد ع الدكه
– لعيب عــادى يعملوه أسطـورة / كأنه هيصلح حال الكورة
– يلعـب مبــــاراه يبــان مستــواه / يرحل مجانى لفرقه مغمورة
– ده حــالنا فـى كــل المجــــالات / القانون ذى استك البيجامات
– مـــرة يطلــع مـــــرة يـــوســـع / حسب المقاس ومصالح الإدارات
